Qazaqstanda 11 adamǵa himiialyq kastratsiia jasalady, dep habarlaidy "Ult aqparat" QR Qylmystyq atqarý júiesi komitetine silteme jasap.
«Májbúrli túrde himiialyq kastratsiia sharasy sot-psihatriialyq saraptama nátijesine qarai sot sheshimimen taǵaiyndalady. QR Qylmystyq kodeksine sáikes, mundai jaza kámeletke tolmaǵandardyń jynystyq tiispeýshiligine qarsy qylmys jasaǵan, jasy 18-den asqan adamdarǵa qoldanylady. 2018 jyldyń 1 qańtarynan beri qylmystyq atqarý júiesine sottan osy mándegi úkim alǵan 11 adam tústi. Atalmysh jandardyń bári dárigerlik-konsýltativtik komissiianyń qaraýynan ótti. Qazirgi tańda protsedýra Pavlodar jáne Aqmola oblysyndaǵy mekemelerde eki adamǵa júrgizilip jatyr. Osy jaza túri taǵaiyndalǵandar týraly basqa málimetter qupiia jáne QR Konstitýtsiiasynyń 18-babynyń 1-tarmaǵyna sáikes taratýǵa jatpaidy» delingen komitettiń aqparatynda.
