«100 jańa esim» jobasyna ótinishter qabyldaý bastaldy. Bul týraly QR Aqparat jáne kommýnikatsiialar ministri, «100 jańa esim» jumys tobynyń teń tóraǵasy Dáýren Abaev habarlady.
«100 jańa esim» jobasy – Táýelsizdik jyldarynda tabysqa jetken, elimizdiń ár óńirinde turatyn túrli jastaǵy, san alýan etnos ókilderiniń tarihy.
Prezident Nursultan Nazarbaev «Bolashaqqa baǵdar: rýhani jańǵyrý» atty maqalasynda el damýyna zor úles qosqan azamattardyń ózderi men olardyń tabysqa jetý tarihyna mán berip, olarǵa aqparattyq qoldaý jasap, tanymal etýdiń jańa mýltimediialyq alańyn qalyptastyrýǵa shaqyrdy.
Jobanyń basty maqsaty – Táýelsizdik dáýirinde elimizdiń kórkeiýine úles qosqan, ultymyzdyń altyn qoryna enýge laiyqty jerlesterimizdi kópshilikke tanytý.
«100 jańa esim» jobasyn júzege asyrý birneshe kezeńderden turady.
Birinshi – ótinishter qabyldanady. Ol kraýdsorsing negizinde júzege asady. Jobaǵa kez-kelgen úmitker qatysa alady.
Eger de sara joly men jetistikteri sizge úlgi bolǵan, sizdi shabyttandyrǵan tulǵalar bolsa, nemese ózińiz de sondai jandardyń qatarynan bolsańyz qoǵamǵa tanytýǵa úlken múmkindigińiz bar.
Basty kriterii – Táýelsiz Qazaqstannyń kórkeiýine qosqan úlesti kórsetý.
Ol úshin 100esim.el.kz saityna kirip, ótinishtiń formasyn toltyrý kerek.
Joba saityna kelip túsken barlyq jariialanymdar oqyrmandarǵa qol jetimdi bolady jáne árbir qoldanýshy keiipkerler týraly materialdardan alǵan áserin áleýmettik jelilerge jazyp, kópshilikpen bólise alady.
Ári qarai – jumys toby men sarapshy komiiassiia kelip túsken jumystardy qoǵamdyq pikirge súiene otyryp, irikteidi. «100 jańa esim» jobasyna laiyq keiipkerler tańdalady.
