Elimizdiń óńirlerinde 100 dene shynyqtyrý-saýyqtyrý kesheniniń qurylysy júrip jatyr. Bul týraly QR Mádeniet jáne sport vitse-ministri Erlan Qojaǵapanov aitty, dep habarlaidy QazAqparat.
«Buqaralyq sporttyń damýyna sport nusqaýshylary úlken úles qosýda. Búgingi tańda respýblikada turǵylyqty jeri boiynsha 3 myńnan astam sport nusqaýshysy jumys júrgizýde, onyń ishinde aýyldyq jerlerde 1 200-ge jýyq sport nusqaýshysy bar», - dedi Qojaǵapanov Májilistiń Áleýmettik-mádeni damý komitetiniń keńeitilgen otyrsynda.
Onyń aitýynsha, eńbek ujymdarynda dene shynyqtyrý-saýyqtyrý jáne sport jumysyn uiymdastyrý máseleleri úlken mańyzǵa ie. Búgingi kúni dene shynyqtyrý ujymdarynyń sany 21 334-ke jetti. Dene shynyqtyrý jáne sport ujymdarynda 130 myńnan astam sport sektsiiasy quryldy, onda sabaqtarmen 5,3 mln adam qamtyldy.
Sporttyń jai-kúii men damýy qajetti sporttyq infraqurylymnyń bolýyna bailanysty ekeni jasyryn emes. Osy maqsatta elimizde 41 352 sport ǵimaraty jumys isteidi. Elimizdiń óńirlerinde 100 dene shynyqtyrý-saýyqtyrý kesheniniń (DSK) qurylysy júrgizilýde, onyń 13-i 2019 jyly paidalanýǵa berildi.
«2020 jyly 14 DSK paidalanýǵa berildi, onyń ishinde 7 DSK «Aýyl – El besigi» baǵdarlamasy boiynsha, 10 DSK aiaqtalý satysynda», - dedi vitse-ministr.
