Jyl basynan beri memlekettik eńbek inspektorlary 29,5 myńnan astam jumyskerdiń quqyǵyn qorǵady, dep habarlaidy "Ult aqparat".
Memlekettik eńbek inspektorlary respýblikanyń 1069 kásipornynda 30,8 myń jumysker aldynda 3,52 mlrd teńge jalaqy bereshegi bar ekenin anyqtaǵan.
Atalǵan kásiporyn basshylaryna oryndalýǵa mindetti 731 nusqama berilip, 97,6 mln teńgeden astam somaǵa aiyppul salyndy.
Qoldanylǵan sharalardyń nátijesinde, onyń ishinde jalaqy boiynsha bereshekti óteýdiń merzimi men kestesin qatań belgileý arqyly 29,5 myńnan astam jumyskerdiń quqyǵy qorǵalyp, olarǵa 3,4 mlrd teńge tólendi.
Jalpy, joǵaryda kórsetilgen kezeńde memlekettik eńbek inspektorlary 3,9 myń tekserý júrgizdi.
QR eńbek zańnamasyn buzýdyń 6,1 myńnan astam faktisi anyqtalyp, 174,3 mln teńge aiyppul salyndy.
