2021 jyldyń 1 qyrkúiegi men 30 qazany aralyǵynda Qazaqstanda jalpyulttyq halyq sanaǵy ótedi. Sanaq «Qazaqstanda árkim mańyzdy! V Kazahstane kajdyi vajen!» urany aiasynda uiymdastyrylady, dep habarlaidy "Ult aqparat".
QR Strategiialyq josparlaý jáne reformalar agenttigi Ulttyq statistika biýrosynyń málimetinshe, sanaqty ótkizý protsesi tolyq avtomattandyrylyp, oǵan zamanaýi sandyq tehnologiialar engiziledi.
Biyl azamattarǵa saýalnama paraqtaryn onlain rejimde óz betinshe toltyrý nemese úi-úidi aralaý kezinde oflain toltyrý múmkindikteri usynylýda.
1 qyrkúiekten bastap sanaq.gov.kz arnaiy saity jumysyn bastaidy. Munda qazaqstandyqtar 15 qazanǵa deiin onlain-rejimde sanaqqa qatysty barlyq suraqtarǵa jaýap bere alady.
Dástúrli jalpy aralaý 1-30 qazan aralyǵynda júrgiziledi jáne ol belgilengen merzim ishinde sanaqtan onlain-rejimde ótpegen respondentter arasynda júrgiziletin bolady.
«Dástúrli kezeńniń jańashyldyǵy - interviýerlerdiń úi aralaý kezinde elektrondy planshetterdi paidalanýy bolmaq. Bul sanaq júrgizetin qyzmetkerlerdiń eńbek shyǵynyn tómendetýge, málimetter sapasyna adam faktorynyń yqpalyn azaitýǵa, JSN-di engize otyryp, sanaq málimetteriniń naqtylyq deńgeiin arttyrýǵa, qaǵaz ben keńselik quraldardy aitarlyqtai únemdeýge, sondai-aq interviýerler úshin qolailylyq pen olardyń jinaqylyǵyn arttyrýǵa múmkindik beredi.
Sanaq kezinde málimetter jinaý úshin sáikestendirgish aqparat retinde saýalnamaǵa qatysýshynyń JSN-ni qoldanylady. Bul aqparattyń qaitalanýyn boldyrmaýǵa múmkindik beredi», - dep naqtylady vedomstvodan.
Qazaqstandyqtar barlyǵy 87 suraqqa jaýap beredi.
Ulttyq sanaqqa birneshe jolmen qatysýǵa bolady.
1 qyrkúiekten call-ortalyq jumys jasai bastaidy.
