Qazaqstanda áielderdiń zeinet jasy taǵy da ulǵaiady – 2019 jyldyń 1 qańtarynan bastap 59 jas bolmaq, dep jazady Sputnik.
Qazir qazaqstandyq er-azamattar zeinetke 63 jasynda shyǵady. Al áielderdiń jasy birneshe jyl buryn qabyldanǵan zańǵa sáikes birtindep ulǵaiyp otyrady.
Sonymen, 2018 jyly 1 qańtarda zeinet jasyn arttyrýdyń birinshi kezeńi boldy – 58,5 jas. Kelesi kezeńi 2019 jyldyń 1 qańtarynda bolady – 59 jas.
Osylaisha, 2027 jyly qazaqstandyq áielder zeinetke 63 jasynda shyǵatyn bolady:
- 2020 jyldyń 1 qańtarynan — 59,5 jasynda;
- 2021 jyldyń 1 qańtarynan — 60 jasynda;
- 2022 jyldyń 1 qańtarynan — 60,5 jasynda;
- 2023 jyldyń 1 qańtarynan — 61 jasynda;
- 2024 jyldyń 1 qańtarynan — 61,5 jasynda;
- 2025 jyldyń 1 qańtarynan — 62 jasynda;
- 2026 jyldyń 1 qańtarynan — 62,5 jasynda;
- 2027 jyldyń 1 qańtarynan — 63 jasynda.
Negizinde zańnama boiynsha kei qazaqstandyq zeinetke sál erterek shyǵa alady. Bul norma Semei iadrolyq poligonynda iadrolyq synaqtardan zardap shekken eldi mekenderde kem degende bes jyl (1949 jyldyń 29 tamyzynan 1963 jyldyń 5 shildesine deiin) ómir súrgen adamdarǵa qatysty. Iaǵni, osy óńirde turǵan er-azamattardyń zeinet jasy – 50, al áielderdiki – 45 jas.
Sonymen birge, bes jáne odan kóp balany segiz jasqa deiin tárbielep ósirgen áielder 53 jastan zeinetke shyǵa alady.
Qazaqstandyq áielder 50 jasqa deiin zeinetaqy qorynda belgili bir somany jinap úlgerse, zeinetke erte shyǵýyna múmkindik bar. 2018 jyly bul soma 13,5 million teńge.
