QR Ishki ister ministri Erlan Turǵymbaev Qazaqstan joldaryndaǵy Bus lane jolaqtarynyń qalai jumys isteitinin aityp berdi, dep habarlaidy QazAqparat.
«Keibir kóshelerde biz arnaiy rejimge kóshtik, onda tek keptelis ýaqytynda avtobýs jolaqtary retinde jumys isteidi, al qalǵan ýaqytta – barlyq kólikke qoljetimdi bolady. Iaǵni, bul sheteldik ozyq tájiribe, Bus lane jolaǵyna avtobýstar úshin 7:00-den 10:00-ge deiin jáne 17:00-den 20:00-ge deiin jumys isteidi dep jazylady. Mundai sheshim Nur-Sultan qalasynda jáne basqa da oblys ortalyqtarynda qabyldandy», - dedi E. Turǵymbaev Ortalyq kommýnikatsiialar qyzmetinde.
Ministrdiń aitýynsha, jyl basynan beri politsiia 2,5 mln-nan astam jol qozǵalysy erejelerin buzý jaǵdaiyn anyqtaǵan.
«Jol qaýipsizdiginiń deńgeii júrgizýshi tártibine, avtojoldardyń sapasyna jáne kólik jaǵdaiyna tikelei bailanysty. Jyl basynan beri politsiia 2,5 mln-nan astam jol qozǵalysy erejelerin buzýshylyqty anyqtady, olardyń negizgi bóligi – jyldamdyqty arttyrý», - dedi Erlan Turǵymbaev.
