Foto: Pexels.com
Numbeo portalynyń 2025 jylǵa arnalǵan jol trafigi reitingisinde Qazaqstan 89 eldiń ishinen 47-orynǵa turaqtady. Eldiń indeksi 134,9 balldy qurady, dep habarlaidy Ult.kz.
Reiting birneshe kórsetkish boiynsha jasaldy:
- Ýaqyt indeksi — azamattardyń bir jaqqa jol júrýge ortasha qansha ýaqyt jumsaityny.
- CO₂ shyǵaryndylarynyń indeksi — bir saparǵa ketetin kómirqyshqyl gazynyń kólemi.
- Tiimdilik indeksi — kólik júiesiniń tiimdiligi. Joǵary kórsetkish turǵyndardyń jeke kólikti kóbirek paidalanyp, qoǵamdyq kólikti sirek qoldanatynyn nemese jolda kóp ýaqyt ótkizetinin kórsetedi.
Keptelistegi ýaqyt
Qazaqstan jolda ótkiziletin ýaqyt boiynsha elder ishinde 41-oryndy ielendi. Qazaqstanda sapardyń ortasha uzaqtyǵy — 35,5 minýt. TMD elderi arasynda eń kóp ýaqyt jumsaityndar Resei (43,3 minýt), Ázerbaijan (40,6 minýt) jáne Ýkraina turǵyndary (37,9 minýt). Al Armeniia (29,3 minýt) men Belarýs (31,2 minýt) turǵyndary eń az ýaqytyn jolda ótkizedi.
Álem boiynsha eń uzaq jolda júretinder Nigeriia turǵyndary (65,3 minýt), al eń jyldamy — Islandiia (21,4 minýt).
CO₂ shyǵaryndylary
Jol trafigimen bailanysty CO₂ shyǵaryndylary boiynsha Qazaqstan álemde 47-orynda. Elde bir saparǵa (eki jaqqa) orta eseppen 3,9 kg kómirqyshqyl gazy bólinedi.
Eń joǵary kórsetkishter Kosta-Rika men Ońtústik Afrika Respýblikasynda (9,5 kg), sondai-aq Livanda (9,3 kg). Eń tómengi kórsetkishter Albaniia (1,5 kg), Finliandiia (1,6 kg) jáne Avstriiada (1,6 kg) tirkelgen.
TMD elderinde kólik qozǵalysynan týyndaityn aýa lastanýy Ázerbaijan men Reseide (4,2 kg), Ýkrainada (3,9 kg) joǵary. Eń tómengi kórsetkish Armeniiada (2,7 kg) jáne Belarýsta (3,3 kg).
Ekologiiaǵa investitsiialar qysqardy
Qazaqstanda 2024 jyly qorshaǵan ortany qorǵaýǵa arnalǵan investitsiia kólemi 52,8 mlrd teńgeni qurap, ótken jylmen salystyrǵanda 74,9%-ǵa azaidy (2023 jyly 210,5 mlrd teńge bolǵan).
Aimaqtar arasynda Pavlodar oblysy kósh bastap tur: bul óńirde 15,3 mlrd teńge investitsiia salynyp, ótken jylmen salystyrǵanda 80,1%-ǵa ósken. Ekinshi orynda Qaraǵandy oblysy (12,9 mlrd teńge), úshinshi orynda Atyraý oblysy (7,3 mlrd teńge). Jalpy, ekologiiaǵa investitsiialar eldiń 20 óńiriniń 14-ine baǵyttalǵan.
Investitsiialardyń negizgi kózi kásiporyndardyń óz qarajaty boldy — barlyq qarjynyń 93,8%-y nemese 49,5 mlrd teńge. Bankterden alynǵan nesieler kólemi 1,6 mlrd teńgeni qurady, taǵy osynsha qarjy banktik emes zaem kózderinen tartylǵan.
