Qazaqstan Jenevada alǵash ret Halyqaralyq býhgalterlik esep jáne eseptilik standarttary jónindegi úkimetaralyq toptyń (ISAR) tóraǵasy bolyp sailandy, – dep habarlaidy «Ult aqparat» Qarjy Ministrliginiń baspasóz qyzmetine silteme jasap.
ISAR tóraǵasy bolyp Qazaqstan Respýblikasy Qarjy ministrliginiń ókili, býhgalterlik esep jáne aýdit ádistemesi departamentiniń direktory Arman Bekturova taǵaiyndaldy. Bul týraly osy kúnderi Jenevada (Shveitsariia) ótip jatqan ISAR 36-shy sessiiasynda belgili boldy.
ISAR BUU-nyń Saýda jáne damý jónindegi konferentsiiasy retinde (IýNKTAD) býhgalterlik esep pen eseptilikti damytý salasyndaǵy ozyq tájiribelermen almasý úshin jáne eń ózekti máseleler men basymdyqtardy aiqyndaý úshin jahandyq jáne inkliýzivti forým retinde quryldy.
ISAR saraptamalyq zertteýlermen ainalysady, jyl saiyn sessiialar men seminarlar ótkizedi, halyqaralyq standarttar men úzdik halyqaralyq tájiribeler men tehnikalyq kómek jobalaryn is júzinde engizýge kómektesetin qujattar ázirleidi.
Aita ketsek, Qazaqstanda (TMD elderi arasynda tuńǵysh ret) qarjylyq zań buzýshylyqtardyń aldyn alýǵa baǵyttalǵan memlekettik aýdit jáne qarjylyq baqylaý týraly zań qabyldandy.
