Foto: zhaikpress.kz
Sý resýrstary jáne irrigatsiia ministri Nurjan Nurjigitov Resei men Qazaqstannyń Jaiyq jáne Ertis basseinderindegi múddesi týraly pikir bildirdi, dep habarlaidy Kazinform agenttigi.
«Reseiden bizge Jaiyq arqyly bes jylda keletin sýdy Ertis arqyly bir jylda qaitaryp otyrmyz. Sý salasyn basqaratyn ministr retinde muny ádiletsizdik dep oilamaisyz ba? Jaiyqtan kirmei qalǵan sýdyń esesin Ertistiń esebinen toltyrý týraly usynystarǵa ne aitasyz?», – dep surady jýrnalist ministrden.
Nurjan Nurjigitov mundai usynystar kelissóz arqyly ǵana sheshilýi múmkin ekenin aityp, qysqa qaiyrdy.
«Árine, Ertis pen Jaiyq máselesin eki basseindik inspektsiia qaraidy. Bári kelissóz arqyly sheshiledi. Taǵy da qaitalaimyn, qandai sheshim qabyldasaq ta, Qazaqstan úshin tiimdi sheshim qabyldaimyz. Sondyqtan, kezdesýler de sol baǵytta ótedi», – dedi ol.
Vedomstvo basshysy Resei-Qazaqstan arasyndaǵy sý qatynasyna baǵa bere almaitynyn aitady.
«Oǵan biz baǵa bere almaimyz. Sebebi qazir biz qandai da bir sheshim bolsa da, Qazaqstan úshin sheshim qabyldaýǵa tyrysamyz», – dedi ministr.
