QR Úkimetiniń qaýlysymen «Táýelsizdik urpaqtary» granty taǵaiyndaldy, dep habarlaidy "Ult aqparat".
«Grant berýdiń maqsaty belsendi shyǵarmashyl jastar qaýymdastyǵyn qalyptastyrýǵa baǵyttalǵan, jastardyń jańa jáne qoldanystaǵy bastamalaryn memlekettik qoldaý», - delingen Úkimet qaýlysynda.
Grant berý mindetteri:
talantty jáne talapty jastardy qoldaý;
eldiń áleýmettik-ekonomikalyq damýy úshin praktikalyq qyzyǵýshylyq tanytatyn jastardyń innovatsiialyq jobalary men ǵylymi-tehnikalyq ázirlemelerin anyqtaý jáne qoldaý;
jastardyń jańa jáne qoldanystaǵy startap-jobalaryn iske asyrýǵa járdem kórsetý;
jastar arasynda shyǵarmashylyq qyzmetti tanymal etý.
Granttyń mólsheri men sanyn Úkimet jyl saiyn belgileidi.
Granttar QR azamattaryna jańa ideialar men bastamalardy iske asyrý úshin kelesi baǵyttar boiynsha konkýrstyq negizde beriledi:
«Ǵylym» - ǵylymnyń basym sektorlarynda jańa ǵylymi jobalar men zertteýlerdi iske asyrý úshin;
«Mádeniet» - Qazaqstannyń mádeni murasyn tanymal etýge, halyqtyq mádeni dástúrler men ónerdi ilgeriletýge baǵyttalǵan jobalardy iske asyrý úshin;
«Aqparattyq tehnologiialar» - jańa IT-sheshimder men jobalardy, onyń ishinde bastaýshy startap-jobalardy iske asyrý jáne ázirleý úshin;
«Biznes» - ekonomikanyń basym sektorlarynda jańa biznes-ideialardy iske asyrý úshin;
«Media» - jańa media-jobalardy, onyń ishinde jastar úshin tanymdyq, paidaly, qyzyqty kontentti qurý jónindegi jobalardy iske asyrý úshin.
Konkýrstyq ótinimder memlekettik nemese orys tilderinde qabyldanady jáne onda tómendegi málimet bolýy qajet:
jobanyń sipattamasy;
jobanyń beineprezentatsiiasy (60 sekýndtan kóp emes);
shyǵyndar smetasynyń jobasy;
ziiatkerlik menshik týraly málimetter (bar bolsa).
Qaýly 2021 jylǵy 20 shildeden bastap qoldanysqa engiziledi.
