«Habar» agenttigi «Men Qazaqstandy jáne qazaqstandyqtardy ne úshin jaqsy kóremin» dep atalatyn úzdik oqiǵalar konkýrsyn jariialady, dep habarlaidy "Ult aqparat".
QR Aqparat jáne qoǵamdyq damý ministri Aida Balaevanyń aitýynsha, baiqaý barynsha paidaly ári kreativti.
«Uiymdastyrýshylar qazaqstandyqtarǵa ómirlerindegi mańyzdy oryndar, oqiǵalar, taǵdyrlaryna zor yqpal etken adamdar tarihy jaiynda áńgilep berýdi usynady. Biz qandai qiyn ári qyzyqty dáýirdi bastan keshirip jatqanymyzdy eskersek, kópshiligimizde saǵynyshpen eske alatyn mundai tarihtyń bar ekendigine senimdimin. Jáne de olar belgili bir adam taǵdyrynyń ózgerýine adamdar men oqiǵalardyń qatysy jaiynda ǵana emestigi anyq», - dep jazdy ministr Facebook-paraqshasynda.
Onyń atap ótýinshe, úzdik tanylǵan oqiǵalar jańa serialdyń epizodyna negiz bolady. Al 50 avtor aqshalai syiaqy alady.
«Kóptegen qazaqstandyq óz tarihymen bólisetindigine jáne «Habar» tek jeńimpazdardyń ǵana emes, basqa da qatysýshylardyń da hatyn jariialaidy dep úmittenemin. Al biz olardyń estelikterin súisine oqityn bolamyz. Barlyq qatysýshylarǵa sáttilik pen shabyt tileimin», - dedi Aida Balaeva.
Baiqaýǵa barlyq qazaqstandyqtar qatysa alady. Qatysýshy kindik Otany týraly, ózine oi salatyn, shabyt beretin, áser etetin, qýantatyn adam týraly aityp berýi qajet.
Basty shart – oqiǵa shynaiy, al onyń qaharmany kózi tiri qazaqstandyq bolýy kerek.
Tolyǵyraq baiqaý saitynan tanysýǵa bolady.
