«حابار» اگەنتتٸگٸ «مەن قازاقستاندى جەنە قازاقستاندىقتاردى نە ٷشٸن جاقسى كٶرەمٸن» دەپ اتالاتىن ٷزدٸك وقيعالار كونكۋرسىن جارييالادى, دەپ حابارلايدى "ۇلت اقپارات".
قر اقپارات جەنە قوعامدىق دامۋ مينيسترٸ ايدا بالاەۆانىڭ ايتۋىنشا, بايقاۋ بارىنشا پايدالى ەرٸ كرەاتيۆتٸ.
«ۇيىمداستىرۋشىلار قازاقستاندىقتارعا ٶمٸرلەرٸندەگٸ ماڭىزدى ورىندار, وقيعالار, تاعدىرلارىنا زور ىقپال ەتكەن ادامدار تاريحى جايىندا ەڭگٸلەپ بەرۋدٸ ۇسىنادى. بٸز قانداي قيىن ەرٸ قىزىقتى دەۋٸردٸ باستان كەشٸرٸپ جاتقانىمىزدى ەسكەرسەك, كٶپشٸلٸگٸمٸزدە ساعىنىشپەن ەسكە الاتىن مۇنداي تاريحتىڭ بار ەكەندٸگٸنە سەنٸمدٸمٸن. جەنە دە ولار بەلگٸلٸ بٸر ادام تاعدىرىنىڭ ٶزگەرۋٸنە ادامدار مەن وقيعالاردىڭ قاتىسى جايىندا عانا ەمەستٸگٸ انىق», - دەپ جازدى مينيستر Facebook-پاراقشاسىندا.
ونىڭ اتاپ ٶتۋٸنشە, ٷزدٸك تانىلعان وقيعالار جاڭا سەريالدىڭ ەپيزودىنا نەگٸز بولادى. ال 50 اۆتور اقشالاي سىياقى الادى.
«كٶپتەگەن قازاقستاندىق ٶز تاريحىمەن بٶلٸسەتٸندٸگٸنە جەنە «حابار» تەك جەڭٸمپازداردىڭ عانا ەمەس, باسقا دا قاتىسۋشىلاردىڭ دا حاتىن جارييالايدى دەپ ٷمٸتتەنەمٸن. ال بٸز ولاردىڭ ەستەلٸكتەرٸن سٷيسٸنە وقيتىن بولامىز. بارلىق قاتىسۋشىلارعا سەتتٸلٸك پەن شابىت تٸلەيمٸن», - دەدٸ ايدا بالاەۆا.
بايقاۋعا بارلىق قازاقستاندىقتار قاتىسا الادى. قاتىسۋشى كٸندٸك وتانى تۋرالى, ٶزٸنە وي سالاتىن, شابىت بەرەتٸن, ەسەر ەتەتٸن, قۋانتاتىن ادام تۋرالى ايتىپ بەرۋٸ قاجەت.
باستى شارت – وقيعا شىنايى, ال ونىڭ قاھارمانى كٶزٸ تٸرٸ قازاقستاندىق بولۋى كەرەك.
تولىعىراق بايقاۋ سايتىنان تانىسۋعا بولادى.
