Qazaqstan TMD elderi arasynda turǵyn úi salýda 1-orynǵa shyqty. Bul týraly QR Parlamenti palatalarynyń birlesken otyrysynda Premer-Ministr Asqar Mamin aitty, dep habarlaidy "Ult aqparat".
«Kúrdeli jaǵdaida shynaiy sektor Qazaqstan ekonomikasy turaqtylyǵynyń negizgi faktoryna ainaldy. Álemdik jáne óńirlik ekonomikalardaǵy belgisizdikke qaramastan óńdeýshi sala 3,9 paiyz deńgeiinde ósim kórsetti. 2004 jyldan beri alǵash ret jalpy ishki ónimdegi óńdeýshi ónerkásiptiń úlesi taý-ken óndirý ónerkásibi úlesinen asyp tústi», - dedi Úkimet basshysy.
Onyń atap ótýinshe, farmatsevtika salasy qarqyndy ósim kórsetip, 47 paiyzǵa artty. Daiyn metall buiymdarynyń kólemi 20 paiyzǵa ósti.
Mashina jasaý - 16 paiyzǵa, onyń ishinde avtomobil jasaý - 53, vagondar men lokomativter jasaý - 39 paiyzǵa ulǵaidy.
Al taý-ken óndirý sektorynda ósim qarqynynyń shektelýi baiqaldy.
Bul Qazaqstannyń OPEK+-pen ýaǵdalastyǵy aiasynda munai óndirýdi qysqartý mindettemesin oryndaýyna bailanysty oryn aldy
«Elimizde turǵyn úi paidalanýǵa berý 16,8 paiyzǵa artyp, 15,3 mln sharshy metrdi qurady. Bul qurylys salasyndaǵy senimdi ósimdi qamtamasyz etti jáne Qazaqstannyń TMD elderi arasynda bir adamǵa 0,81 sharshy metr jańa baspanany paidalanýǵa berý arqyly birinshi orynǵa shyǵýyna múmkindik berdi», - dedi Asqar Mamin.
