Búgin Premer-Ministrdiń orynbasary Eraly Toǵjanovtyń tóraǵalyǵymen Qazaqstan Respýblikasynyń aýmaǵynda koronavirýs infektsiiasynyń taralýyna jol bermeý jónindegi vedomstvoaralyq komissiianyń otyrysy ótti, dep habarlaidy "Ult aqparat"
Komissiia jumysyna memlekettik organdardyń, «Atameken» UKP ókilderi jáne óńirlerdiń basshylary qatysty.
Epidemiologiialyq jaǵdaidyń turaqtanýyn eskere otyryp, QR aýmaǵynda koronavirýs infektsiiasynyń taralýyna jol bermeý jónindegi vedomstvoaralyq komissiia 11 sáýirden bastap Resei Federatsiiasymen, Ózbekstan jáne Qyrǵyzstan Respýblikalarymen qurlyqtaǵy ótkizý pýnktterinde QR azamattarynyń, azamattyǵy joq adamdardyń jáne sheteldikterdiń Qazaqstan Respýblikasynyń Memlekettik shekarasynan ótýine qoiylǵan shekteýlerdi alyp tastaý týraly sheshim qabyldady.
Sondai-aq áýe qatynasy arqyly QR Memlekettik shekarasyn kesip ótýge qoiylǵan barlyq shekteýler alynyp tastalady. Bul rette qazaqstandyqtar men Qazaqstan Respýblikasynyń aýmaǵynda turýǵa yqtiiarhaty bar sheteldikterge jáne shetel azamattaryna PTR ádisimen COVID-19-ǵa testiniń teris nátijesi bar anyqtamany nemese vaktsinalaý pasporttary ózara tanylǵan jaǵdaida COVID-19-ǵa qarsy vaktsinalaýdyń, revaktsinalaýdyń tolyq kýrsynan ótkeni týraly qujatty/pasportty mindetti túrde usyný jónindegi talap saqtalady.
Vitse-Premer óz sózinde memlekettik shekarany ashý máselesi Memleket basshysynyń turaqty jeke baqylaýynda ekenin aitty.
Otyrys sońynda Toǵjanov ákimdikterge koronavirýs infektsiiasyna qarsy egý naýqanyn erekshe baqylaýǵa alýdy tapsyrdy jáne halyq arasynda sapaly túsindirý jumystaryn júrgizý qajettigin atap ótti.
