بٷگٸن پرەمەر-مينيستردٸڭ ورىنباسارى ەرالى توعجانوۆتىڭ تٶراعالىعىمەن قازاقستان رەسپۋبليكاسىنىڭ اۋماعىندا كوروناۆيرۋس ينفەكتسيياسىنىڭ تارالۋىنا جول بەرمەۋ جٶنٸندەگٸ ۆەدومستۆوارالىق كوميسسييانىڭ وتىرىسى ٶتتٸ, دەپ حابارلايدى "ۇلت اقپارات"
كوميسسييا جۇمىسىنا مەملەكەتتٸك ورگانداردىڭ, «اتامەكەن» ۇكپ ٶكٸلدەرٸ جەنە ٶڭٸرلەردٸڭ باسشىلارى قاتىستى.
ەپيدەميولوگييالىق جاعدايدىڭ تۇراقتانۋىن ەسكەرە وتىرىپ, قر اۋماعىندا كوروناۆيرۋس ينفەكتسيياسىنىڭ تارالۋىنا جول بەرمەۋ جٶنٸندەگٸ ۆەدومستۆوارالىق كوميسسييا 11 سەۋٸردەن باستاپ رەسەي فەدەراتسيياسىمەن, ٶزبەكستان جەنە قىرعىزستان رەسپۋبليكالارىمەن قۇرلىقتاعى ٶتكٸزۋ پۋنكتتەرٸندە قر ازاماتتارىنىڭ, ازاماتتىعى جوق ادامداردىڭ جەنە شەتەلدٸكتەردٸڭ قازاقستان رەسپۋبليكاسىنىڭ مەملەكەتتٸك شەكاراسىنان ٶتۋٸنە قويىلعان شەكتەۋلەردٸ الىپ تاستاۋ تۋرالى شەشٸم قابىلدادى.
سونداي-اق ەۋە قاتىناسى ارقىلى قر مەملەكەتتٸك شەكاراسىن كەسٸپ ٶتۋگە قويىلعان بارلىق شەكتەۋلەر الىنىپ تاستالادى. بۇل رەتتە قازاقستاندىقتار مەن قازاقستان رەسپۋبليكاسىنىڭ اۋماعىندا تۇرۋعا ىقتييارحاتى بار شەتەلدٸكتەرگە جەنە شەتەل ازاماتتارىنا پتر ەدٸسٸمەن COVID-19-عا تەستٸنٸڭ تەرٸس نەتيجەسٸ بار انىقتامانى نەمەسە ۆاكتسينالاۋ پاسپورتتارى ٶزارا تانىلعان جاعدايدا COVID-19-عا قارسى ۆاكتسينالاۋدىڭ, رەۆاكتسينالاۋدىڭ تولىق كۋرسىنان ٶتكەنٸ تۋرالى قۇجاتتى/پاسپورتتى مٸندەتتٸ تٷردە ۇسىنۋ جٶنٸندەگٸ تالاپ ساقتالادى.
ۆيتسە-پرەمەر ٶز سٶزٸندە مەملەكەتتٸك شەكارانى اشۋ مەسەلەسٸ مەملەكەت باسشىسىنىڭ تۇراقتى جەكە باقىلاۋىندا ەكەنٸن ايتتى.
وتىرىس سوڭىندا توعجانوۆ ەكٸمدٸكتەرگە كوروناۆيرۋس ينفەكتسيياسىنا قارسى ەگۋ ناۋقانىن ەرەكشە باقىلاۋعا الۋدى تاپسىردى جەنە حالىق اراسىندا ساپالى تٷسٸندٸرۋ جۇمىستارىن جٷرگٸزۋ قاجەتتٸگٸن اتاپ ٶتتٸ.
