Qazaqstan tarapy AQSh Prezidenti Donald Tramptyń ýran importyna saýda shekteýlerin engizýden bas tartý sheshimin qoldaityndyqtaryn jetkizdi. Atalǵan shekteý týraly bastamany AQSh Saýda ministrligi kótergen bolatyn, dep habarlaidy "Ult aqparat" QR Energetika ministrliginiń baspasóz qyzmetine silteme jasap.
Qazaqstan men AQSh arasynda energetikalyq sektor boiynsha uzaq ári tabysty yntymaqtastyq ornaǵan. Osy oraida bul bailanystar strategiialyq seriktestik deńgeiine deiin jetti.
Ekijaqty qatynastardy nyǵaitýdyń sátti tetikteriniń biri retinde Energetikalyq áriptestik jónindegi birlesken komissiia sanalady. Onyń aiasynda iadrolyq qaýipsizdik, atom ónerkásibi, munai jáne gaz, jańaratyn energiia kózderi men energetikany damytý salalaryndaǵy yntymaqtastyq talqylanýda.
Qazaqstan atom ónerkásibi men iadrolyq qarýdy taratpaý rejimin nyǵaitýda ekijaqty yntymaqtastyqty damytýǵa airyqsha mán berip keledi.
Ekijaqty komissiialar, ótkizilgen sharalar, sondai-aq energetika, syrtqy ister jáne ulttyq ekonomika ministrlikteri ókilderiniń kezdesýleri aiasynda Qazaqstannyń ulttyq múddelerin qorǵaý men ýran importyna sanktsiialar qoldanýdy boldyrmaý boiynsha tiisti jumystar atqaryldy.
Qazaqstan Respýblikasy ýran óndirisinde kóshbasshy sanalady jáne álem boiynsha AES-terdiń toqtaýyz jumysyna kepilgerlerdiń biri bolyp otyr. Elimizde ýran óndirý tehnologiiasy MAGATE tarapynan eń ekologiialyq ári qaýipsiz tásil retinde moiyndaldy.
2015 jyly Qazaqstannan AQSh-qa tabiǵi ýran eksporty 1153,5 tonnany, 2016 jyly 1813 tonnany qurady. 2017jyly bul kórsetkish 948 tonna bolyp, eksporttyń jalpy kóleminen (23 258 tonna) 4,1 paiyzdy qamtydy. Al 2018 jyly 399,8 tonna deńgeiinde tirkelip, eksporttyń jalpy kóleminde (20 452 tonna), 95 paiyzdy qurady.
