Qazaqstandyq joǵary oqý oryndarynda oqityn sheteldik stýdentterdiń sany 30 myńǵa jetti. Ásirese alys shetelden kelgen bilim alýshylardyń sany artqan, dep habarlaidy QazAqparat.
Azamattary Qazaqstanǵa bilim alý maqsatynda keletin memleketterdiń geografiiasy aitarlyqtai keńeidi: AQSh, Afrika, Resei, sondai-aq Taiaý Shyǵys elderinen kelgen stýdentter sanynyń ósimi baiqalady.
Jalpy, bilim alýshylardyń basym bóligi (64%) TMD elderinen kelgen.
«Qazaqstandyq ýniversitetter túrli halyqaralyq bilim berý kórmelerine belsendi qatysýda. Máselen, osy jyldyń qarasha aiynda Bishkek (Qyrǵyzstan) jáne Tashkent (Ózbekstan) qalalarynda «Qazaqstannyń bilim kúnderi» uiymdastyryldy. Osylaisha, ózge elderdiń azamattary bizdiń joǵary oqý oryndarymyz týraly biletin bolady. Sonymen qatar ýniversitetterimiz sheteldik stýdentterge arnaiy bilim granttaryn bóledi», – dep atap ótti QR BǴM joǵary jáne joǵary oqý ornynan keiingi bilim departamentiniń direktory Ádilet Toibaev.
