قازاقستاندىق جوعارى وقۋ ورىندارىندا وقيتىن شەتەلدٸك ستۋدەنتتەردٸڭ سانى 30 مىڭعا جەتتٸ. ەسٸرەسە الىس شەتەلدەن كەلگەن بٸلٸم الۋشىلاردىڭ سانى ارتقان, دەپ حابارلايدى قازاقپارات.
ازاماتتارى قازاقستانعا بٸلٸم الۋ ماقساتىندا كەلەتٸن مەملەكەتتەردٸڭ گەوگرافيياسى ايتارلىقتاي كەڭەيدٸ: اقش, افريكا, رەسەي, سونداي-اق تاياۋ شىعىس ەلدەرٸنەن كەلگەن ستۋدەنتتەر سانىنىڭ ٶسٸمٸ بايقالادى.
جالپى, بٸلٸم الۋشىلاردىڭ باسىم بٶلٸگٸ (64%) تمد ەلدەرٸنەن كەلگەن.
«قازاقستاندىق ۋنيۆەرسيتەتتەر تٷرلٸ حالىقارالىق بٸلٸم بەرۋ كٶرمەلەرٸنە بەلسەندٸ قاتىسۋدا. مەسەلەن, وسى جىلدىڭ قاراشا ايىندا بٸشكەك (قىرعىزستان) جەنە تاشكەنت (ٶزبەكستان) قالالارىندا «قازاقستاننىڭ بٸلٸم كٷندەرٸ» ۇيىمداستىرىلدى. وسىلايشا, ٶزگە ەلدەردٸڭ ازاماتتارى بٸزدٸڭ جوعارى وقۋ ورىندارىمىز تۋرالى بٸلەتٸن بولادى. سونىمەن قاتار ۋنيۆەرسيتەتتەرٸمٸز شەتەلدٸك ستۋدەنتتەرگە ارنايى بٸلٸم گرانتتارىن بٶلەدٸ», – دەپ اتاپ ٶتتٸ قر بعم جوعارى جەنە جوعارى وقۋ ورنىنان كەيٸنگٸ بٸلٸم دەپارتامەنتٸنٸڭ ديرەكتورى ەدٸلەت تويباەۆ.
