Qazaqstan UQShU-daǵy odaqtastaryna ýaqytyly kómek kórsetkeni úshin alǵys bildiredi. Bul týraly QR Syrtqy ister ministrliginiń Eaýraziialyq integratsiia departamentiniń direktory Aleksandr Siniagovskii málim etti, dep habarlaidy QazAqparat.
«Odaqtastarymyzǵa ýaqytyly kómek kórsetkeni úshin alǵys bildiremiz. Bitimgershilik missiia qazaqstandyq kúshter men quraldardyń edáýir bóligin terrorizmge qarsy operatsiiaǵa alańsyz baǵyttaýǵa múmkindik berdi. 10 qańtarda UQShU Ujymdyq Qaýipsizdik Keńesiniń kezekten tys sessiiasy uiymdastyryldy. Ol sharadan ashyq kórsetilim júrgizilip, BAQ erkin habar taratty. UQShU-nyń barlyq memleket basshylary bitimgershilik missiianyń mańyzdylyǵyn atap ótti. Bas hatshynyń, hatshylyqtyń barlyq qyzmetkerleriniń, uiymnyń birikken shtabynyń eldegi bitimgershilik missiiany tabysty uiymdastyryp, ótkizýge qosqan úlesin atap ótemiz», - dedi eýraziialyq integratsiia departamentiniń direktory.
Aita keteiik, UQShU bitimgershilik áskeri Qazaqstan aýmaǵynan tolyq ketti. Bul týraly Qorǵanys ministrligi halyqaralyq yntymaqtastyq departamentiniń bastyǵy Oljas Qusaiynov málim etti.
«Búgin Ujymdyq qaýipsizdik týraly shart uiymy ujymdyq bitimger kúshterin Qazaqstan aýmaǵynan shyǵarý aiaqtaldy. Sońǵy jeke quram men tehnika áýe kemesimen Almatydan ushyp shyqty. Qazirgi Qazaqstan Respýblikasynyń aýmaǵynda shet memleketterdiń áskeri qyzmetshileri joq. Elimizden UQShU-nyń birikken bitimgershilik kontingentin kezeń-kezeńimen shyǵarý biyl 13 qańtardan bastap Qarýly kúshterdiń Joǵary bas qolbasshysy – Qazaqstan Respýblikasynyń Prezidenti Qasym-Jomart Kemeluly Toqaev belgilegen merzimde júzege asyryldy», - dedi ministrlik ókili ortalyq kommýnikatsiialar qyzmetinde ótken brifingide.
