28 naýryzda Qazaqstannyń Tótenshe jaǵdailar ministrligi Almaty qalasynan Polshanyń Katovitse qalasyna Ýkraina azamattaryna gýmanitarlyq kómektiń kezekti partiiasyn jetkizý úshin arnaiy reis uiymdastyrdy, dep habarlaidy "Ult aqparat" TJM baspasóz qyzmetine silteme jasap.
Jalpy salmaǵy 17,5 tonna bolatyn júk tósek-oryn jáne tamaq siiaqty qajetti zattardy qamtidy.
Buǵan deiin Qazaqstan jalpy salmaǵy 28,2 tonna bolatyn 17 túrli dári-dármek – antibiotikter, qabynýǵa qarsy, jótelge qarsy jáne antigipertenzivti preparattar túrinde gýmanitarlyq kómek jibergen bolatyn. Kórsetilgen kómek Ýkraina tarapynyń ótinishi negizinde Memleket basshysynyń buǵan deiin bergen tapsyrmasyna sáikes júzege asyryldy.
Qaitar jolda júkti jetkizgen «Búrkit» memlekettik áýekompaniiasynyń Il-76 ushaǵy qazaqstandyq diplomattardyń kómegimen Ýkrainadan Polshaǵa kelgen ondaǵan QR azamattary men olardyń otbasy múshelerin alyp kelý josparlanýda.
