Qazaqstan Úkimetinde birqatar kadrlyq ózgeris boldy. Bul týraly QR Premer-Ministriniń baspasóz qyzmeti habarlaidy.
Qazaqstan Respýblikasy Úkimetiniń qaýlysymen Marat Almasuly Ázilhanov QR aqparat jáne qoǵamdyq damý vitse-ministri qyzmetine taǵaiyndaldy.
Marat Ázilhanov 1965 jyly Qyzylorda oblysynda dúniege kelgen. «Emdeý isi» mamandyǵy boiynsha Qaraǵandy memlekettik meditsinalyq ýniversitetin, «Quqyqtaný» mamandyǵy boiynsha Ulttyq qaýipsizdik komitetiniń akademiiasyn támamdaǵan.
Eńbek jolyn 1988 jyly bastaǵan.
1988–1992 jyldary — qalalyq aýrýhananyń dáriger-interni, Qyzylorda qalasynyń №5 emhanasynyń hirýrg dárigeri.
2011–2013 jyldary QR Din isteri agenttiginiń tóraǵa orynbasary qyzmetin atqarǵan.
2013–2014 jyldary — QR Din isteri agenttiginiń tóraǵasy.
2014–2016 jyldary — QR Mádeniet jáne sport vitse-ministri.
2016–2018 jyldary — QR Din isteri jáne azamattyq qoǵam ministrliginiń jaýapty hatshysy.
2018–2019 jyldary — QR Qoǵamdyq damý ministrliginiń jaýapty hatshysy.
Budan ózge, QR Úkimetiniń qaýlysymen Nurgúl Óserbaiqyzy Maýberlinova QR aqparat jáne qoǵamdyq damý vitse-ministri qyzmetine taǵaiyndaldy, ol buǵan deiin atqarǵan qyzmetinen bosatyldy.
Nurgúl Máýberlinova 1973 jyly Qaraǵandy oblysynda dúniege kelgen. E. Bóketov atyndaǵy Qaraǵandy memlekettik ýniversitetin jáne Qaztutyný odaǵynyń Qaraǵandy ekonomikalyq ýniversitetin bitirgen.
Eńbek jolyn 1992 jyly bastaǵan. Túrli jyldary memlekettik organdar qurylymy men kommertsiialyq sektorda qyzmet etken.
2006–2008 jyldary — QR Mádeniet jáne aqparat ministrliginiń Aqparat jáne muraǵat komitetiniń bas mamany, bas sarapshy.
2008–2012 jyldary — QR Premer-Ministri Keńsesiniń Aqparattyq-saraptamalyq ortalyǵynyń bas keńesshisi.
2012–2016 jyldary QR Prezidenti janyndaǵy «Ortalyq kommýnikatsiialar qyzmeti» direktorynyń orynbasary, QR Parlamenti Májilisiniń keńesshisi laýazymynda boldy.
2016–2018 jyldary QR Aqparat jáne kommýnikatsiialar qyzmetiniń Aqparat komitetiniń tóraiymy bolyp jumys istedi.
2018 jyly sáýirde QR aqparat jáne kommýnikatsiialar vitse-ministri qyzmetine taǵaiyndaldy.
Sondai-aq, QR Úkimetiniń qaýlysymen Dinara Rinatqyzy Sheglova bergen ótinimine sáikes aqparat jáne kommýnikatsiialar vitse-ministri qyzmetinen bosatyldy.
