Premer-Ministr Baqytjan Saǵyntaevtyń tóraǵalyǵymen ótken Úkimet otyrysynda ulttyq ekonomika ministri Timýr Súleimenov pen Ulttyq banktiń basqarma tóraǵasy Daniiar Aqyshev ekonomikalyq saiasattyń 2018 jylǵa arnalǵan negizgi baǵyttary týraly baiandady. Nátijesinde Úkimettiń sáikes qaýly jobasy qabyldandy, dep habarlaidy "Ult aqparat" primeminister.kz saityna silteme jasap.
2017 jyly Qazaqstan ekonomikasy 4,0%-dy qurap, serpindi ósti. Negizgi kapitalǵa túsetin investitsiialardyń ósý qarqyny 2016 jylmen salystyrǵanda 5,5%-dy qurap, 2,7 ese jedeldedi.
Timýr Súleimenovtiń aitýynsha, QR Úkimeti men Ulttyq banktiń málimdeme jobasy elimizdiń makroekonomikalyq jáne aqsha-kredit saiasatynyń 2018 jylǵa arnalǵan basymdyqtary týraly jalpaq jurtty aqparattandyrý maqsatynda ázirlengen.
Elbasynyń Qazaqstan halqyna «Tórtinshi ónerkásiptik revoliýtsiia jaǵdaiyndaǵy damýdyń jańa múmkindikteri» Joldaýynda belgilengen jańa mindetterdi eskere otyryp, ekonomikalyq saiasattyń 2018 jylǵa arnalǵan basty baǵyttary mynalar:
- makroekonomikalyq turaqtylyqty saqtaý;
- qolaily biznes ahýaldy qamtamasyz etý;
- tsifrlyq quramdaýyshty qosa alǵanda, ekonomika salalaryn damytý;
- kólik-logistikalyq infraqurylymdy damytý.
Úkimet pen Ulttyq bank júrgizetin ekonomikalyq saiasat aǵymdaǵy jyldyń sońynda infliatsiia deńgeiin 5,0-7,0% shamasynda qamtamasyz etýge múmkindik beredi. Osy maqsatty qamtamasyz etý infliatsiiany 2020 jyldyń sońyna qarai 4%-ǵa deiin birtindep tómendetýge mańyzdy qadam bolmaq.
«Úkimettiń basty nazary azyq-túlik jáne azyq-túlik emes taýarlar baǵalarynyń, monopolister qyzmetteri tarifteriniń negizsiz ósýine jol bermeýge toǵystyrylady, sondai-aq jasandy tapshylyq, baǵaǵa ýaǵdalasý jáne josyqsyz báseke qurý múmkindigi joiylady», - dedi Timýr Súleimenov.
Biýdjet saiasaty 2018 jyly ekonomikanyń ósýine, memlekettik-jekeshelik áriptestikti damytýǵa jáne memlekettik qarjy turaqtylyǵyn saqtaýǵa járdemdesýge baǵyttalady. Bul rette memlekettiń barlyq áleýmettik mindettemeleri tolyq kólemde oryndalatyn bolady.
Tsifrlyq quramdaýyshty qosa alǵanda, ekonomika salalaryn damytý maqsatynda Indýstriialandyrý kartasy jobasynyń jobalyq qýatyna shyǵýdy qamtamasyz etý, sondai-aq joǵarǵy tehnologiialy óndirister úlesin ulǵaitý arqyly indýstriialandyrý saiasaty jalǵasatyn bolady. 3D-printing, Big data jáne bultty tehnologiialar siiaqty «Indýstriia 4.0.» elementterin engizýdi yntalandyrý boiynsha jumys júrgiziletin bolady.
2018 jyly innovatsiialarǵa, tehnologiialardyń transfertine jáne óńdeý ónerkásibin tsifrlandyrýǵa járdem berýge nazar aýdara otyryp, «tsifrlyq dáýir» ónerkásibiniń qalyptasýyna baǵyttalǵan indýstriialandyrýdyń úshinshi besjyldyǵyn ázirleý bastalady.
Agroónerkásiptik keshende aýyl sharýashylyǵy kooperatsiiasyn odan ári damytý esebinen, egis alańdary qurylymynyń ártaraptandyrylýyn jáne qaita óńdelgen aýyl sharýashylyǵy ónimderi eksportyn arttyrý boiynsha jumystar jalǵasady.
Kólik-logistikalyq infraqurylymnyń odan ári damýyna «Nurly Jol» infraqurylymdy damytýdyń 2015-2019 jyldarǵa arnalǵan memlekettik baǵdarlamasyn iske asyrýdy jalǵastyrý yqpal etetin bolady.
Jalpy 2018 jyly ekonomikalyq saiasat turaqty ekonomikalyq ósýdi, makroekonomikalyq turaqtylyqty qamtamasyz etý, bank sektorynyń turaqtylyǵy, investitsiialyq jáne biznes ahýaldy jaqsartý, sondai-aq ekonomika salalaryn damytý arqyly yntalandyrýǵa baǵyttalady.
QR Ulttyq bankiniń basqarma tóraǵasy Daniiar Aqyshev ortaq málimdemeni qabyldaý jáne Ulttyq bank pen Úkimettiń kelisilgen sharalaryn iske asyrý makroekonomikalyq saiasattyń uzaqmerzimdi maqsattaryna jetýdi qamtamasyz etetinin atap ótti.
Ulttyq Bank infliatsiialyq targetteý jáne teńgeniń qubylmaly aiyrbas baǵamy saiasaty rejiminde aqsha-kredit saiasatyn iske asyrýdy jalǵastyrady. Budan ózge, liberaldyq valiýta rejimin saqtaý kezinde valiýtalyq baqylaýdy kúsheitý sharalaryn qabyldaý boljanyp otyr.
