QR IIM Qylmystyq-atqarý júiesi komiteti bas bostandyǵynan aiyrý mekemelerindegi sanitarlyq-epidemiologiialyq jaǵdaidy turaqty baqylaýda ustap otyr, dep habarlaidy "Ult aqparat" Polisia.kz-ke silteme jasap.
«Koronavirýstyń taralýyn boldyrmaý maqsatynda, sondai-aq QAJ organdary jeke quramy men penitentsiarlyq júie mekemelerinde ustalatyn adamdardyń qorǵalýyn qamtamasyz etý baǵytynda birqatar aldyn alý sharalary uiymdastyryldy. Qazirgi ýaqytta jeke quram men jazasyn ótep júrgender arasynda jeke gigiena erejelerin saqtaý, koronavirýs infektsiiasynyń aldyn alý sharalary boiynsha aqparattyq-túsindirý sharalary júrgizilýde», - delingen habarlamada.
Atap aitqanda, sottalǵandar qajetti dárilik zattarmen qamtamasyz etilgen, sondai-aq infektsiialyq qadaǵalaý sharalary kúsheitildi.
Koronavirýs infektsiiasy boiynsha kúdik bolǵan jaǵdaida, naýqasty jatqyzý úshin sanitarlyq-epidemiologiialyq talaptarǵa sai mekemelerdiń meditsinalyq bóliginde infektsiialyq oqshaýlaǵysh jabadyqtaldy. Sonymen qatar, QAJ mekemelerinde sottalǵandar úshin mádeni-buqaralyq sharalardy ótkizýge tyiym salyndy.
Belgili bolǵandai, QAJ komitetinde biryńǵai call-ortalyq quryldy (8-(7172)-72-30-40), osy arqyly sottalǵandardyń jaqyndary men qorǵaýshylary barlyq suraqtar boiynsha habarlasa alady.
«Búginde QAJ mekemelerindegi jaǵdai turaqty, koronavirýs infektsiiasyn juqtyrý oqiǵasy anyqtalmady», - delingen komitet málimetinde.
