Qazaqstan turaqty ásker sany boiynsha álem elderiniń reitinginde 70-orynda tur. Energyprom.kz jazýynsha, eldegi ár 10 myń adamǵa 40-qa jýyq áskeri adam keledi, dep habarlaidy QazAqparat.
Álem elderiniń Qarýly kúshter quramyndaǵy turaqty ásker sany boiynsha 2021 jylǵy reitingi belgili boldy.
Qazaqstan 166 eldiń ishinde 70 orynda tur. Reitingtegi málimet boiynsha, Qazaqstan Qarýly kúshteriniń turaqty ásker sany – 39 myń.
Qarýly Kúshterge jatpaityn áskerilendirilgen qurylymdarda 31,5 myń adam jumys isteidi.
Osylaisha, Qazaqstanda 70,5 myń áskeri adam jumys isteidi degen sóz. Iaǵni, eldiń 10 myń turǵynyna 38 adamnan keledi.
TMD elderiniń arasynda Qazaqstannyń aldynda Resei (5 oryn), Ýkraina (21 oryn), Ázirbaijan (41 oryn), Ózbekstan (63 oryn), Belarýs (64 oryn), Armeniia (66 oryn) joǵary tur.
Al Túrkimenstan, Qyrǵyzstan, Tájikstan jáne Moldova memleketteri Qazaqstannan tómen tur.
2021 jyldyń úshinshi toqsanyndaǵy derek boiynsha, memlekettik basqarý, qorǵanys jáne mindetti áleýmettik qamsyzdandyrý salasynda jumys isteitinder sany 483,2 myń adam bolǵan. Bul byltyrǵydan 1,9% az.
Memlekettik basqarý men qorǵanysta eńbek etetinder ásirese Almaty oblysynda (72,9 myń adam), Shyǵys Qazaqstan oblysy men el astanasynda kóp shoǵyrlanǵan.
Al Mańǵystaý oblysy bul kórsetkish boiynsha eń sońǵy satyda tur.
