Qazaqstan Prezidenti Qasym-Jomart Toqaevtyń tapsyrmasy boiynsha túrik halqyna baýyrlastyq jáne gýmanitarlyq kómek kórsetý aiasynda 11 tamyz saǵat 13.25-te QR Tótenshe jaǵdailar ministrliginiń qutqarý toby Dalaman qalasyna jetti.
Onyń quramynda 2 Mi-8 AMT tikushaǵy jáne orman órtterin sóndirýge tartylǵan 16 qutqarýshy bar.
Bul týraly QR TJM resmi ókili Talǵat Ýáli málimdedi.
«Tústen keiin órt sóndirý oryndarynda barlaý maqsatynda ushý josparlanǵan. Odan ári Qazaqstannyń TJM jeke quramy Túrkiia Respýblikasy TJM jedel shtabynyń qaramaǵynda órt sóndirý jumystaryna kirisedi», - delingen habarlamada.
