QR SIM resmi ókili Aibek Smadiiarov Taivanǵa qatysty jaǵdai boiynsha resmi málimdeme jasady, - dep habarlaidy "Ult aqparat".
"Qazaqstan Respýblikasy "Birtutas Qytai" qaǵidatyn qoldaidy jáne Taivandy Qytai Halyq Respýblikasy aýmaǵynyń ajyramas bóligi dep sanaidy. Qazaqstan halyqaralyq quqyqtyń qoldanystaǵy normalaryn jáne Birikken Ulttar Uiymy jarǵysyn saqtaýdy, sonyń ishinde osy máselede BUU Bas Assambleiasynyń 1971 jylǵy №2758 qararyn ustanýdy qoldaidy.
Shet elderdiń resmi delegatsiialarynyń Taivanǵa saparlary QHR Úkimetimen kelisilýi tiis dep sanaimyn", - delingen habarlamada.
