Kazakh Tourism kompaniiasy uialy bailanys joq týristik vizit ortalyqtardy SOS signalyn taratatyn GPS devaistarmen jabdyqtamaqshy, dep habarlaidy QazAqparat.
Bul týraly Kazakh Tourism kompaniiasynyń basqarma tóraǵasy Erjan Erkinbaev ortalyq kommýnikatsiialar qyzmetinde ótken brifiingide málim etti.
«Tsifrlyq damý, innovatsiialar jáne aeroǵarysh ónerkásibi ministrligi jergilikti ákimdiktermen birge uialy bailanys munaralaryn ornatyp bolǵansha biz Kosmostyq tenika jáne tehnologiia instiýtymen birge taýlardaǵy vizit ortalyqtardy týristerdi evakýatsiialaý devaistarymen jabdyqtaýdy josparlap otyrmyz. Bul kishigirim GPS devaistar eshqandai bailanys jabyny joq jerdiń ózinde SOS signalyn bere alady. Mundai devaistar biyl qoljetimdi bolady dep josparlap otyrmyz», - dedi Erjan Erkinbaev.
Sondai-aq, ol Qazaqstannyń týristik oryndarynda uialy bailanystyń bolmaýy kelýshiler úshin qosymsha qolaisyzdyq týǵyzyp jatqanyn jetkizdi.
«Bailanys taýly ólkelerde joǵalǵan týristerdi izdeý úshin jáne kommýntsikatsiiaǵa ǵana qajet degen túsinik bolmaýy kerek. Bailanys qarapaiym onlain operatsiialar úshin de kerek. Klient tipti ulttyq parkter kórsetetin qyzmetterdiń aqysyn onlain rejimde tólei alýy qajet. Búginde ol qyzmettiń bárine qolma-qol aqsha arqyly tólem jasalyp otyr. Bul – bizdegi týrizmniń taǵy bir kemshiligi», - dedi Kazakh Tourism basshysy.
