Qazaqstan Respýblikasy Syrtqy ister ministrliginde ministrdiń orynbasary Ermuhambet Qonyspaev Ýkrainanyń Qazaqstandaǵy elshisi Petr Vrýblevskiimen kezdesti, - dep habarlaidy "Ult aqparat" SIM baspasóz qyzmetine silteme jasap.
"Kezdesý barysynda elshige 21 tamyzda qazaqstandyq bloger Dias Quzaiyrǵa bergen suhbatynda aitqan málimdemelerine bailanysty narazylyq bildirildi", - delingen habarlamada.
SIM málimetinshe, Qazaqstan tarapy mundai málimdemelerdiń shet memleket elshisiniń qyzmetine sai kelmeitini jáne qolaisyzdyǵy týraly ustanymy bildirilgen.
"Mundai is-qimyldar memleketter arasyndaǵy dostyq qatynastarǵa nuqsan keltirmeýge tiis", - delingen SIM habarlamasynda.
Eske salaiyq, buǵan deiin Qazaqstan halqy Assambleiasynyń (QHA) keńesi Ýkrainanyń Qazaqstandaǵy elshisi Petr Vrýblevskiidiń málimdemesin aiyptaityny habarlanǵan bolatyn.
