Búgin, 5 naýryzda fýtboldan 2021 jylǵy sýperkýbokta úshinshi oryn iegeri anyqtaldy, dep habarlaidy "Ult aqparat".
Úshinshi oryn úshin saiysta Almatynyń «Qairat» jáne Qaraǵandynyń «Shahter» komandalary kezdesti.
Oiynda «Qairat» negizinen jastarǵa senim artsa, «Shahter» tájiribeli fýtbolshylaryn jasyl alańǵa shyǵardy.
Birinshi kezeńde komandalar bir-biriniń qaqpasynan sańylaý taba alǵan joq.
Oiynnyń 51-minýtynda qaraǵandylyq Jan-Áli Pairýz mergendik tanytyp, óz komandasyn alǵa shyǵardy.
Oǵan «Qairat» sapynan Denis Poliakov 63, Shtreli Mamba 87-minýtta eki golmen jaýap qaiyrdy. Osylaisha almatylyq ujym qarsylasynan 2:1 esebimen basym tústi.
Esterińizge sala ketelik, eki komanda jartylai finalda qarsylasyna ese jiberdi.
Aldymen «Shahter» elordalyq «Astanaǵa» 1:2 esebimen jol berdi.
Al «Qairat» negizgi kezeńde Qostanaidyń «Tobylymen» teń túsip, penaltiden ese jiberdi.
Endi finalda 6 naýryz kúni «Astana» men «Tobyl» komandalary kezdesedi.
