بٷگٸن, 5 ناۋرىزدا فۋتبولدان 2021 جىلعى سۋپەركۋبوكتا ٷشٸنشٸ ورىن يەگەرٸ انىقتالدى, دەپ حابارلايدى "ۇلت اقپارات".
ٷشٸنشٸ ورىن ٷشٸن سايىستا الماتىنىڭ «قايرات» جەنە قاراعاندىنىڭ «شاحتەر» كوماندالارى كەزدەستٸ.
ويىندا «قايرات» نەگٸزٸنەن جاستارعا سەنٸم ارتسا, «شاحتەر» تەجٸريبەلٸ فۋتبولشىلارىن جاسىل الاڭعا شىعاردى.
بٸرٸنشٸ كەزەڭدە كوماندالار بٸر-بٸرٸنٸڭ قاقپاسىنان ساڭىلاۋ تابا العان جوق.
ويىننىڭ 51-مينۋتىندا قاراعاندىلىق جان-ەلي پايرۋز مەرگەندٸك تانىتىپ, ٶز كومانداسىن العا شىعاردى.
وعان «قايرات» ساپىنان دەنيس پولياكوۆ 63, شترەلي مامبا 87-مينۋتتا ەكٸ گولمەن جاۋاپ قايىردى. وسىلايشا الماتىلىق ۇجىم قارسىلاسىنان 2:1 ەسەبٸمەن باسىم تٷستٸ.
ەستەرٸڭٸزگە سالا كەتەلٸك, ەكٸ كوماندا جارتىلاي فينالدا قارسىلاسىنا ەسە جٸبەردٸ.
الدىمەن «شاحتەر» ەلوردالىق «استاناعا» 1:2 ەسەبٸمەن جول بەردٸ.
ال «قايرات» نەگٸزگٸ كەزەڭدە قوستانايدىڭ «توبىلىمەن» تەڭ تٷسٸپ, پەنالتيدەن ەسە جٸبەردٸ.
ەندٸ فينالدا 6 ناۋرىز كٷنٸ «استانا» مەن «توبىل» كوماندالارى كەزدەسەدٸ.
