Niderlandy Joǵarǵy soty Amsterdam Apelliatsiialyq sotynyń Niderlandydaǵy tórelik sheshimdi taný týraly sheshimin jaramsyz dep tanydy, - dep habarlaidy Ádilet ministrliginiń baspasóz qyzmeti.
Vedomstvo málimetinshe, 2021 jylǵy 24 jeltoqsanda Niderlandy Joǵarǵy soty Amsterdam Apelliatsiialyq sotynyń Niderlandydaǵy tórelik sheshimdi taný týraly 2020 jylǵy sheshimin jaramsyz dep tanydy.
"Niderlandy Joǵarǵy soty Statidiń isti qaraý úshin tiisti sotqa júginbegenin anyqtap, isti Amsterdam okrýgtik sotyna berdi. Bul sheshim tórelik sheshimdi tanýdy joiý týraly Belgiia sotynyń sheshiminen keiin kóp uzamai qabyldandy. Belgiialyq sot Stati tórelik tribýnaldy ǵana emes, tórelik sheshimdi tanýdy qarastyratyn sottardy da aldady degen qorytyndyǵa keldi", - delingen habarlamada.
Vedomstvo habarlamasyna súiensek, jańa sot talqylaýynda Qazaqstan Niderlandyda alǵash ret Statidiń alaiaqtyǵy týraly barlyq materialdy usyna alady.
"Statidiń alaiaqtyq dáleldemeleri birte-birte belgili bolǵandyqtan, Qazaqstan Statige Niderlandy sotyna barlyq dáleldemeni usynýdy birneshe ret talap etti. Bul sotqa tiisti baǵalaý júrgizý múmkindigin berer edi. Alaida Stati bul talapty únemi oryndamai, sottan tiisti dálelderdi ádeii jasyryp keldi. Jańa talqylaýda Qazaqstan sotqa Statidiń isti qaraý kezinde óziniń alaiaqtyq áreketterin jasyrý úshin Amsterdam Apelliatsiialyq sotyn qalai aldaǵanyn ashady", - delingen habarlamada.
Vedomstvo 2021 jyldyń 16 qarashasynda Briýsseldiń apelliatsiialyq soty Stati arbitrajǵa deiin, onyń barysynda jáne odan keiin alaiaqtyq áreketter jasady degen qorytyndyǵa kelgenin jazdy. Belgiia soty Statidiń Qazaqstanǵa investitsiialary teris piǵylmen júzege asyryldy dep qaýly etti. Sonymen qatar, sot bundai investitsiialarǵa negizdelgen tórelik sheshim alaiaqtyq jolmen alyndy degen qorytyndyǵa keldi. Sottyń pikirinshe, tórelik tribýnal sheshimi tórelik talqylaý bolǵan jerde joiylǵan joq, óitkeni Stati shved sottaryn aldady. Sondai-aq, sot talqylaýy barysynda Statidiń minez-qulyq úlgisi dáleldemelerdi júieli túrde jasyrýdy jáne jańylystyratyn jalǵan málimdemeler berýdi qamtityny rastaldy. Belgiiadaǵy sot sheshiminiń nátijesinde Ulttyq Banktiń 530 million AQSh dollarynan astam somaǵa teń aktivterine zańsyz salynǵan tyiym alynyp tastaldy. Qazirgi ýaqytta Qazaqstan Statige qarsy shyǵyndardy óteý týraly talap aryz berip, Statidiń alaiaqtyq áreketteri, sonyń ishinde tórelikke jumsalǵan shyǵyndar úshin ótemaqy talap etti.
Buǵan deiin, 2021 jylǵy 2 jeltoqsanda Liýksembýrgtiń Apelliatsiialyq soty Statige qarsy Liýksembýrgtiń quqyq qorǵaý organdary bastaǵan qylmystyq tergeý aiaqtalǵanǵa deiin tórelik sheshimdi taný jáne oryndaý týraly is júrgizýdi toqtata turý týraly sheshim shyǵardy.
Niderlandyda buǵan deiin de Statidiń alaiaqtyq áreketteri baiqalyp, áshkerelengen. 2018 jylǵy qańtardaǵy sheshimde Amsterdam aýdandyq sotynyń tóraǵasy Stati sot aldynda shyndyqty aitý mindetin buzdy degen sheshim shyǵardy. Keiinnen, sol sheshimde sot Qazaqstan Ulttyq banktiń 22 milliard AQSh dollarynan astam somaǵa teń aktivterine zańsyz salynǵan tyiymdy alyp tastady.
