نيدەرلاندى جوعارعى سوتى امستەردام اپەللياتسييالىق سوتىنىڭ نيدەرلاندىداعى تٶرەلٸك شەشٸمدٸ تانۋ تۋرالى شەشٸمٸن جارامسىز دەپ تانىدى, - دەپ حابارلايدى ەدٸلەت مينيسترلٸگٸنٸڭ باسپاسٶز قىزمەتٸ.
ۆەدومستۆو مەلٸمەتٸنشە, 2021 جىلعى 24 جەلتوقساندا نيدەرلاندى جوعارعى سوتى امستەردام اپەللياتسييالىق سوتىنىڭ نيدەرلاندىداعى تٶرەلٸك شەشٸمدٸ تانۋ تۋرالى 2020 جىلعى شەشٸمٸن جارامسىز دەپ تانىدى.
"نيدەرلاندى جوعارعى سوتى ستاتيدٸڭ ٸستٸ قاراۋ ٷشٸن تيٸستٸ سوتقا جٷگٸنبەگەنٸن انىقتاپ, ٸستٸ امستەردام وكرۋگتٸك سوتىنا بەردٸ. بۇل شەشٸم تٶرەلٸك شەشٸمدٸ تانۋدى جويۋ تۋرالى بەلگييا سوتىنىڭ شەشٸمٸنەن كەيٸن كٶپ ۇزاماي قابىلداندى. بەلگييالىق سوت ستاتي تٶرەلٸك تريبۋنالدى عانا ەمەس, تٶرەلٸك شەشٸمدٸ تانۋدى قاراستىراتىن سوتتاردى دا الدادى دەگەن قورىتىندىعا كەلدٸ", - دەلٸنگەن حابارلامادا.
ۆەدومستۆو حابارلاماسىنا سٷيەنسەك, جاڭا سوت تالقىلاۋىندا قازاقستان نيدەرلاندىدا العاش رەت ستاتيدٸڭ الاياقتىعى تۋرالى بارلىق ماتەريالدى ۇسىنا الادى.
"ستاتيدٸڭ الاياقتىق دەلەلدەمەلەرٸ بٸرتە-بٸرتە بەلگٸلٸ بولعاندىقتان, قازاقستان ستاتيگە نيدەرلاندى سوتىنا بارلىق دەلەلدەمەنٸ ۇسىنۋدى بٸرنەشە رەت تالاپ ەتتٸ. بۇل سوتقا تيٸستٸ باعالاۋ جٷرگٸزۋ مٷمكٸندٸگٸن بەرەر ەدٸ. الايدا ستاتي بۇل تالاپتى ٷنەمٸ ورىنداماي, سوتتان تيٸستٸ دەلەلدەردٸ ەدەيٸ جاسىرىپ كەلدٸ. جاڭا تالقىلاۋدا قازاقستان سوتقا ستاتيدٸڭ ٸستٸ قاراۋ كەزٸندە ٶزٸنٸڭ الاياقتىق ەرەكەتتەرٸن جاسىرۋ ٷشٸن امستەردام اپەللياتسييالىق سوتىن قالاي الداعانىن اشادى", - دەلٸنگەن حابارلامادا.
ۆەدومستۆو 2021 جىلدىڭ 16 قاراشاسىندا بريۋسسەلدٸڭ اپەللياتسييالىق سوتى ستاتي اربيتراجعا دەيٸن, ونىڭ بارىسىندا جەنە ودان كەيٸن الاياقتىق ەرەكەتتەر جاسادى دەگەن قورىتىندىعا كەلگەنٸن جازدى. بەلگييا سوتى ستاتيدٸڭ قازاقستانعا ينۆەستيتسييالارى تەرٸس پيعىلمەن جٷزەگە اسىرىلدى دەپ قاۋلى ەتتٸ. سونىمەن قاتار, سوت بۇنداي ينۆەستيتسييالارعا نەگٸزدەلگەن تٶرەلٸك شەشٸم الاياقتىق جولمەن الىندى دەگەن قورىتىندىعا كەلدٸ. سوتتىڭ پٸكٸرٸنشە, تٶرەلٸك تريبۋنال شەشٸمٸ تٶرەلٸك تالقىلاۋ بولعان جەردە جويىلعان جوق, ٶيتكەنٸ ستاتي شۆەد سوتتارىن الدادى. سونداي-اق, سوت تالقىلاۋى بارىسىندا ستاتيدٸڭ مٸنەز-قۇلىق ٷلگٸسٸ دەلەلدەمەلەردٸ جٷيەلٸ تٷردە جاسىرۋدى جەنە جاڭىلىستىراتىن جالعان مەلٸمدەمەلەر بەرۋدٸ قامتيتىنى راستالدى. بەلگيياداعى سوت شەشٸمٸنٸڭ نەتيجەسٸندە ۇلتتىق بانكتٸڭ 530 ميلليون اقش دوللارىنان استام سوماعا تەڭ اكتيۆتەرٸنە زاڭسىز سالىنعان تىيىم الىنىپ تاستالدى. قازٸرگٸ ۋاقىتتا قازاقستان ستاتيگە قارسى شىعىنداردى ٶتەۋ تۋرالى تالاپ ارىز بەرٸپ, ستاتيدٸڭ الاياقتىق ەرەكەتتەرٸ, سونىڭ ٸشٸندە تٶرەلٸككە جۇمسالعان شىعىندار ٷشٸن ٶتەماقى تالاپ ەتتٸ.
بۇعان دەيٸن, 2021 جىلعى 2 جەلتوقساندا ليۋكسەمبۋرگتٸڭ اپەللياتسييالىق سوتى ستاتيگە قارسى ليۋكسەمبۋرگتٸڭ قۇقىق قورعاۋ ورگاندارى باستاعان قىلمىستىق تەرگەۋ اياقتالعانعا دەيٸن تٶرەلٸك شەشٸمدٸ تانۋ جەنە ورىنداۋ تۋرالى ٸس جٷرگٸزۋدٸ توقتاتا تۇرۋ تۋرالى شەشٸم شىعاردى.
نيدەرلاندىدا بۇعان دەيٸن دە ستاتيدٸڭ الاياقتىق ەرەكەتتەرٸ بايقالىپ, ەشكەرەلەنگەن. 2018 جىلعى قاڭتارداعى شەشٸمدە امستەردام اۋداندىق سوتىنىڭ تٶراعاسى ستاتي سوت الدىندا شىندىقتى ايتۋ مٸندەتٸن بۇزدى دەگەن شەشٸم شىعاردى. كەيٸننەن, سول شەشٸمدە سوت قازاقستان ۇلتتىق بانكتٸڭ 22 ميلليارد اقش دوللارىنان استام سوماعا تەڭ اكتيۆتەرٸنە زاڭسىز سالىنعان تىيىمدى الىپ تاستادى.
