Dál qazir Qazaqstan sportshylary Tokiodaǵy XXXII jazǵy Olimpiada sherýinde júrip ótti, dep habarlaidy QazAqparat.
Ashylý saltanatynda aldymen Grekiiadan kelgen sportshylar top bastap shyqty. Bul tuńǵysh Olimpiada ótken el retinde dástúrge ainalǵan. Odan keiin álemniń ár qiyrynda shashyrap júrgen adamdardan jinalǵan bosqyndar quramasy shyqty.
Qazaqstandyq 97 sańlaq kúnshyǵys elinde sporttyń 28 túrinen baq synaidy.
Tokio tórinde Qazaqstan jalaýyn boksshy Qamshybek Qońqabaev pen jeńil atlet Olga Rypakova ustap shyqty. Biylǵy Olimpiadanyń bir ereksheligi - árbir memlekettiń týyn ustap shyǵý mártebesi eki sportshyǵa júkteledi.
Qazaqstan Ulttyq olimpiadalyq komiteti aitýly alamanǵa baratyn tizimdi naqtylaý maqsatynda irikteý jáne reitingtik jarystary aiaqtalǵannan keiin qorytyndy shyǵardy.
Qazaqstan táýelsiz memleket retinde biyl jetinshi Olimpiadaǵa attandy. Qazaqstan qurama sapynan 96 sportshy alǵash ret 1994 jyly Jazǵy Olimpiadada baq synaýǵa múmkindik alǵan edi. Sol joly otandastarymyz 3 altyn, 4 kúmis, 4 qolaǵa qol jetkizip, jalpy komandalyq esepte 24-orynǵa taban tiredi.
2000 jyly Avstraliianyń Sidnei qalasyndaǵy dúbirli dodaǵa 130 qazaqstandyq sportshy bar. Qorjynǵa túskeni - 3 altyn, 4 kúmis. Jalpy komandalyq esepte - 22 oryn.
Grekiianyń Afiny qalasynda ótken 2004 jylǵy Jazǵy Olimpiadada 119 sportshymyz qorjynǵa 8 medal túsirdi. Onyń ishinde 1 altyn, 4 kúmis, 3 qola bar. Jalpy esepte 40 oryn buiyrdy.
Al 2008 jylǵy Qytai astanasy Beijiń qalasyndaǵy dúbirli dodada 132 qazaqstandyq sportshy baq synady. Sańlaqtarymyz 2 3 altyn, 4 kúmis, 9 qola medal alyp qaitty. Jalpy komandalyq esepte 37- oryn buiyrdy.
Angliianyń London qalasyndaǵy 2012 jylǵy Olimpiadada elimizdiń atynan 115 sportshy jarys jolyna shyqty. Olar 3 altyn, 1 kúmis, 7 qola medal aldy. Komandalyq esepte 24-orynǵa qol jetkizdi.
2016 jyly Braziliianyń Rio-de-Janeiro qalasynda qazaqstandyq 104 sportshy 18 medal (3 altyn, 5 kúmis, 10 qola) oljalady. Jalpy komandalyq esepte 22- orynǵa taban tiredi.
