Qazaqstan shikizattyq emes eksport kólemin 41 mlrd AQSh dollaryna jetkizedi. Bul týraly Ortalyq kommýnikatsiialar qyzmetindegi baspasóz máslihatynda QR Ulttyq ekonomika ministri Áset Erǵaliev aitty, dep habarlaidy QazAqparat.
Ministrdiń atap ótýinshe, «Qazaqstandyqtardyń ál-aýqatyn arttyrýǵa baǵyttalǵan ornyqty ekonomikalyq ósý» ulttyq jobasynyń «Shikizattyq emes eksportty ilgeriletý» baǵyty aiasynda jańa óndiristerdi ósirýge jáne jumys istep turǵan eksporttaýshylardyń quzyretin arttyrýǵa baǵyttalǵan eksporttyq akseleratsiia baǵdarlamasyn damytý jalǵasady.
«1 000 belsendi eksporttaýshynyń syrtqy naryqqa shyǵýy qamtamasyz etiledi. Sonymen qatar 350 eksporttaýshyny elektrondyq saýda platformasyna shyǵarý josparlanyp otyr», - dedi ol.
Onyń atap ótýinshe, memlekettik etalondardyń halyqaralyq talaptarǵa sáikestigin qamtamasyz etý úshin synaq zerthanalyq bazalarynyń 30 paiyzy jańǵyrtylady.
«Eksporttaýshylardy syrtqy naryqtarǵa ilgeriletý mynadai is-sharalar esebinen qoldaý tabady: eksport aldyndaǵy jáne eksporttyq qarjylandyrý, saqtandyrý, ainalym qarajatyn tolyqtyrýǵa qarjylandyrý, sondai-aq eksporttaýshylardyń shyǵyndaryn óteý. Nátijesinde shikizattyq emes eksport 41 mlrd AQSh dollaryna 2 esege artady», - dedi Áset Erǵaliev.
