Qazaqstan aýmaǵynda 16 278 sheteldik azamat jergilikti atqarýshy organnyń ruqsatymen eńbek etip júr, dep habarlaidy QazAqparat.
Sheteldik jumys kúshin tartýǵa ruqsattardyń arasynda mynadai sanattar bar: basshylar men olardyń orynbasarlary úshin 639 ruqsat (birinshi sanat), qurylymdyq bólimshelerdiń basshylary úshin 3 150 ruqsat (ekinshi sanat).
Tartylǵan jumys kúshi negizgi bóligi úshinshi (mamandar) jáne tórtinshi (bilikti jumysshylar) sanattarǵa jatady – tiisinshe olar 8 115 jáne 825 adam.
Sondai-aq maýsymdyq jumystarǵa 1 197 adam, al korporativtik aýystyrý aiasynda 2 352 adam tartyldy.
Qazirgi ýaqytta Qazaqstanda ShJK paidalanatyn 1 683 jumys berýshi bar.
Onda 429 myńnan astam Qazaqstan azamattary jumys isteidi, bul qyzmetkerlerdiń jalpy sanynyń 96% - yn quraidy.
Eńbek migranttary keletin negizgi elder: Qytai – 3 685 adam, Túrkiia – 1 977 adam, Úndistan – 1 268 adam, Ózbekstan – 1 195 adam, Serbiia – 1 109 adam.
Ishki eńbek naryǵyn qorǵaý maqsatynda QR Eńbek jáne halyqty áleýmettik qorǵaý ministrligi jyl saiyn respýblikaǵa sheteldik mamandardy tartýǵa kvota belgileidi jáne bóledi.
Osy jylǵy qańtarda iri otandyq biznes ókilderimen kezdesý qorytyndysy boiynsha Memleket basshysynyń bergen tapsyrmasyn oryndaý úshin ministrlik sheteldik jumys kúshin tartýǵa arnalǵan kvotany buryn josparlanǵan 28 352-den 23 560-qa deiin, iaǵni 4 792 adamǵa (16%) qysqartty.
