Qazaqstanda karantin shekteýleri kezeńinde memlekettik shekarany kesip ótý tártibi ózgerdi. Naqtyraq aitsaq, azamattar qurlyqtaǵy shekaradan ótkizý beketterin 15 kúnde bir ret kesip óte alatyn boldy, dep habarlaidy QazAqparat.
Qazaqstan Respýblikasynyń aýmaǵynda koronavirýs infektsiiasynyń taralýyna jol bermeý jónindegi vedomstvoaralyq komissiianyń aqparaty boiynsha, endi qazaqstandyqtarǵa qurlyqtaǵy shekaradan ótkizý beketteri arqyly shekaradan 15 táýlikte bir ret qurlyqtaǵy ótkizý pýnktteri arqyly ótýge ruqsat etilgen.
Bul ereje Qazaqstannyń myna azamattaryna qoldanylmaidy:
- eldiń diplomatiialyq qyzmetiniń personaly jáne olardyń otbasy músheleri (jubailary, ata-analary jáne balalary);
- shet memleketterdiń shaqyrýy jáne Qazaqstan Úkimetiniń kelisimi boiynsha shetelge jiberiletin QR resmi delegatsiialarynyń músheleri;
- shet memleketterdiń aýmaǵynda ornalasqan QR múshesi bolyp tabylatyn halyqaralyq uiymdardyń qyzmetkerleri men olardyń otbasy músheleri (jubailary, ata-analary jáne balalary);
- QR úkimetaralyq feldegerlik bailanys qyzmetkerleri;
- poiyz jáne lokomotiv brigadalarynyń, áýe jáne teńiz kemeleri ekipajdarynyń músheleri jáne temir jol tasymaldaý protsesterine, júkterdi, poezdardy qabyldaý, tapsyrý jáne olardy alyp júrý jónindegi operatsiialarǵa qatysatyn adamdar;
- QR aýmaǵyndaǵy sheteldik transshekaralyq qurylystarǵa qyzmet kórsetýshi personal jáne shektes memleketter aýmaǵyndaǵy qazaqstandyq transshekaralyq qurylystarǵa qyzmet kórsetýshi personal;
- shetelge emdelýge shyǵatyndarǵa Densaýlyq saqtaý mekemeleriniń rastaityn qujattaryn kórsetken kezde (keminde eki eresek adamnyń ilesip júrýimen);
- otbasy músheleri men jaqyn týystaryn jerleýge bara jatqan azamattar, sondai-aq olarmen birge kele jatqan ózderiniń jubailary men kámeletke tolmaǵan balalaryn jáne qaitys bolǵan otbasy músheleri men jaqyn týystarynyń máiitin jerleý ornyna birge alyp júretin adamdar;
- aýyr naýqas otbasy músheleri men jaqyn týystarynemdeýge apara jatqan adamdar, sondai-aq olarmen birge júretin erli-zaiyptylar men kámeletke tolmaǵan balalardy baǵyp-kútýge baratyn adamdar;
- eńbek qyzmetin júzege asyrý maqsatynda shetelge shyǵatyndar;
- memlekettik shekaradan ótýge jáne evakýatsiialyq reisterge ruqsat etilgen adamdardy tasymaldaýdy júzege asyratyn júrgizýshiler;
- halyqaralyq júk tasymaldaryn (bir júk kólik quralyna eki júrgizýshiden artyq emes), jasalǵan kelisimsharttar sheńberinde Avtomobil jáne arnaiy kólik jetkizýdi júzege asyratyn júrgizýshiler men aýyl sharýashylyǵy qyzmetin júzege asyratyn júk ieleri-qujattardy usynǵan kezde;
- ekstraditsiialaý tártibimen qabyldanatyn izdeýdegi jáne sottalǵan QR azamattar;
- teńiz kemeleri ekipajdarynyń músheleri;
- Qazaqstannan basqa memleketke turaqty turýǵa ketetin nemese immigratsiialyq vizalary bar azamattar.
Buǵan deiin qazaqstandyqtarǵa qurlyqtaǵy ótkizý pýnktteri arqyly shekaradan 30 kúnde bir ret ótýge ruqsat etberilip kelgen bolatyn.
Aita keteiik, Qazaqstan Respýblikasynyń azamattary úshin avtoótpe joldary arqyly shet memleketterge shyǵý úshin shekteý merzimi eki ese azaitý týraly sheshim qabyldaǵan edi.
