Oral shekara otriady «Muqatai» zastavasynyń aýmaǵynda Reseiden Qazaqstan aýmaǵyna kirgen 5 ózbekstandyq ustaldy. Bul týraly QR Ulttyq qaýipsizdik komitetiniń Shekara qyzmetinen málim etti, dep habarlaidy "Ult aqparat".
Komitet dereginshe, ustalǵandardyń eń úlkeni 46 jasta, al eń kishisi 28-de. Olardyń barlyǵyn úsik shalǵan. Ózbekstan azamattary birden Darinsk aýylyndaǵy aýdandyq emhanaǵa jetkizildi. Dárigerlerdiń qoiǵan diagnozyna sáikes, olardyń bireýiniń aiaq-qoldaryn 3-4-inshi dárejeli, ekeýin 2-3-inshi dárejeli, taǵy ekeýin 1-dárejeli úsik shalǵan.
«Bireýiniń jaǵdaiy aýyr, qarqyndy terapiia palatasynda jatyr. Ekeýiniń jaǵdaiy ortasha, qalǵan ekeýi emge muqtaj emes. Qazirgi ýaqytta beseýi de shekarashylardyń kúzetimen Batys Qazaqstan oblysynyń Zelenovsk aýdanynyń Darinsk aýylyndaǵy emhanada em alýda», - delingen taratylǵan aqparatta.
