Foto: BAQ.KZ
"Qazaqstan" shahtasynda izdestirilip jatqan taǵy bir jumysshynyń denesi tabyldy, - dep habarlaidy "Ult aqparat" "ArselorMittal Temirtaý" AQ baspasóz qyzmetine silteme jasap.
"Úshinshi kenshiniń denesi tabyldy. Qazirgi ýaqytta anyqtaý júrgizilip jatyr. Marqumnyń áriptesteri, kompaniia ujymy mezgilsiz qaitys bolǵan azamattyń týǵan-týystary men jaqyndarynyń qaiǵylaryna ortaqtasyp, kóńil aitady" - delingen habarlamada.
Sondai-aq «ArselorMittal Temirtaý» kompaniiasy qaza tapqan kenshilerdiń otbasylaryna jan-jaqty qoldaý kórsetip, kómek beretinin jetkizdi.
"Atap aitqanda, jerleýge bailanysty shyǵyndardy jabý; qaitys bolǵan jumysshylardyń on jyldyq jalaqysy mólsherinde otbasyna birjolǵy tólem; 18 jasqa deiingi árbir balaǵa ai saiynǵy saqtandyrý tólemi (bala stýdent bolsa, 23 jasqa deiin); 23 jasqa tolmaǵan balalardyń alǵashqy kúndizgi oqý nysanyndaǵy oqýyna jáne oǵan bailanysty barlyq shyǵystarǵa aqy tóleý; úii joq adamdarǵa turǵyn úi satyp alý nemese ol úshin birjolǵy ótemaqy berý; qoldanystaǵy turǵyn úidi jóndeýge aqy tóleý; ipotekalyq tólemderdiń belgili bir bóligin jabý; seriktestik kásiporyndarynda áielder men balalardy jumysqa ornalastyrýǵa járdemdesý; áielder men balalarǵa arnalǵan sanatoriiler men balalar lagerlerine jyl saiynǵy joldamalar" - delingen kompaniia habarlamasynda.
