Foto: Qaraǵandy oblysynyń ákimdigi
Qaraǵandy oblysyndaǵy «Qazaqstan» shahtasynda qaza tapqan besinshi kenshiniń denesi tabyldy, dep habarlaidy "Ult aqparat".
"Buǵan deiin habarlanǵandai, apat kezinde «Qazaqstan» shahtasynda 227 qyzmetker bolǵan. Apatty joiý josparyn dereý engizý arqyly 222 adam jerge kóterilip, 5 adam opat boldy" - delingen "ArselorMittal Temirtaý" AQ baspasóz qyzmeti habarlamasynda.
Qaza tapqan kenshilerdiń aty-jóni:
1. Steshin Denis Gennadevich, 1978 jyly týǵan, 4-razriadty jerasty úńgýshisi, eńbek ótili - 21 jyl;
2. Halikov Artýr Rinatovich, 1994 jyly týǵan, 4-razriadty jerasty elektrsheberi, eńbek ótili - 10 jyl;
3. Býrgýn Viktor Sergeevich, 1966 jyly týǵan, 5-razriadty jerasty elektrsheberi, eńbek ótili - 39 jyl;
4. Sliýnkov Vitalii Vladimirovich, 1965 jyly týǵan, 5-razriadty jerasty elektrsheberi, eńbek ótili - 39 jyl;
5. Starovoit Ilia Aleksandrovich, 1996 jyly týǵan, 3-razriadty jerasty elektrsheberi, eńbek ótili - 4 jyl.
«Bul apattan qatty kúizelip turmyn. Biz shahtalardyń qaýipsizdik deńgeiin arttyrý úshin júieli túrde jumys jasadyq, al bul apat bizdiń barlyq kúsh-jigerimizge úlken ziian keltirdi.
Qazir aitýǵa bolatyn eshbir sóz jaqyndarynan aiyrylǵan otbasylardy jubata almaidy. «ArselorMittalTemirtaý» atynan bul apat úshin jáne shahtadaǵy qyzmetkerlerdiń barlyǵyn sátti evakýatsiialai almaǵanymyzǵa úlken ókinish bildiremin. Biz zardap shekken otbasylardy qoldaý úshin qoldan kelgenniń bárin jasaimyz. Qazir bizdiń bar oiymyz áriptesterimizdiń otbasylarymen birge jáne olarǵa qajetti qoldaýdy kórsetemiz» - deidi «ArselorMittal Temirtaý» AQ atqarýshy direktory Viktor Gafiýlov.
«ArselorMittal Temirtaý» apattyń sebepterin tolyq tergeý úshin memlekettik organdarmen tyǵyz jumys istep jatqanyn málimdedi. Ázirge barlyq fakti belgisiz.
Eske sala keteiik, 17 tamyz saǵat 10:05-te «Qazaqstan» shahtasynda konveier lentasy órtendi. TJ kezinde jer astynda 227 adam bolǵan, onyń 222-si qutqaryldy.
Atalǵan derekke qatysty Qylmystyq kodekstiń 277-baby 3-tarmaǵy "Taý-ken nemese qurylys jumystaryn júrgizý kezinde qaýipsizdik erejelerin buzý" boiynsha qylmystyq is tirkeldi.
Premer-ministr Álihan Smaiylov 19 tamyzda apat bolǵan shahtaǵa bardy. Úkimet basshysy qaza bolǵan kenshilerdiń otbasyna memleket pen jumys berýshi tarapynan qajetti kómek kórsetiletinin málimdedi.
