Parlament Senaty tóraǵasynyń orynbasary Asqar Shákirov jáne bir top senatorlar Qazan Kremlinde Tatarstan Respýblikasynyń Prezidenti Rýstam Minnihanovpen kezdesti, dep habarlaidy "Ult aqparat".
Kezdesýge sondai-aq Resei Federaldyq Jinalysy Federatsiia Keńesi arasyndaǵy Yntymaqtastyq jónindegi komissiianyń teń tóraǵasy Ilias Ýmahanov, Tatarstan Respýblikasy Memlekettik keńesiniń tóraǵasy Farid Muhametshin, senatorlar Muhtar Qul-Muhammed, Olga Perepechina, Talǵat Musabaev, Vladimir Volkov qatysty.
Tatarstan Prezidenti kezdesýdi asha otyryp, eki el arasyndaǵy yntymaqtastyqty parlamentaralyq deńgeide damytý óte mańyzdy ekenin atap ótti.
A.Shákirov óz kezeginde Qazaqstan Resei Federatsiiasynyń jetekshi ári ekonomikalyq damyǵan sýbektileriniń biri bolyp tabylatyn Tatarstan Respýblikasymen yntymaqtastyqty qarqyndy damytýǵa múddeli ekenin atap ótti. «Bizdiń halyqtarymyzdy tarihi jáne mádeni tamyrlastyq bailanystyrady. Búginde Qazaqstannyń Tatarstanmen qarym-qatynasy barlyq salada joǵary deńgeide damyp kele jatqanyn kórsetedi», - dedi tóraǵa orynbasary.
Kezdesý barysynda toqtap qalǵan Nur-Sultan-Qazan tikelei áýe baǵytyn ashý, eki jaqty taýar ainalymyn odan ári damytý, ǵylym men bilim salasyndaǵy yntymaqtastyqty keńeitý máseleleri talqylandy. Búginde Tatarstannyń joǵary oqý oryndarynda qazaqstandyq 1300-den astam stýdent bilim alýda.
