Belarýstiń Vitebsk qalasynda juma kúni ótken EEK Keńesi otyrysynyń qorytyndysy boiynsha saýda-ekonomikalyq is-qimyl máseleleri boiynsha birqatar sheshimder qabyldandy, dep habarlaidy QazAqparat.
Komissiianyń baspasóz qyzmeti habarlaǵandai, Eýraziialyq ekonomikalyq komissiia keńesiniń músheleri EAEO elderiniń ýákiletti organdaryna ishki qajettilikterdi qamtamasyz etý úshin ózara saýda sheńberinde qant jetkizilimderine kelisimshart jasasý boiynsha jumys júrgizýdi tapsyrdy.
Bul rette taraptar múshe memleketterdiń ishki naryǵyna qantty satý basymdyǵyna, sondai-aq Reseide qoldanystaǵy 2022 jylǵy 31 tamyzǵa deiin mundai jetkizilimderge shekteýler uzartylmaitynyna súienýge tiis.
«EEK alańynda konsýltatsiialar qorytyndysy boiynsha kelisimsharttar jasasý jáne qajetti qant kólemin 1 qyrkúiekten keiin jetkizý múmkindigine qatysty kepildikter berildi. Atap aitqanda, Resei jáne Qazaqstan aýyl sharýashylyǵy ministrlikteri jyl sońyna deiin 168 myń tonna josparly kólemdi ulǵaitýǵa kelisti. Osy jańalyqtardan keiin naryqtaǵy barlyq alypsatarlyq aiaqtalatynyna kúmánim joq», - dep atap ótti komissiianyń saýda jónindegi ministri Andrei Slepnev.
