Qazaqstan Prezidenti Qasym-Jomart Toqaev jumys saparymen Pavlodar oblysyna keldi. Bul týraly Memleket basshysynyń baspasóz hatshysy Berik Ýáli Feisbýkte málim etti, dep habarlaidy "Ult aqparat".
«Sapar aiasynda Qasym-Jomart Toqaev óńirdiń birqatar áleýmettik jáne indýstriialyq nysandaryn aralap kórip, memlekettik baǵdarlamalardyń júzege asyrylý barysymen tanysady. Sondai-aq, Memleket basshysynyń oblys jurtshylyǵymen, sonyń ishinde muǵalimder qaýymymen, eńbek ujymdarymen, jastar ókilderimen kezdesýi josparlanýda», - dep jazdy B.Ýáli.
Prezident sonymen qatar, «Qazaqstan elektrolizdi zaýyty» AQ-nyń keńesine qatysady dep kútilýde. Budan bólek, «Pavlodar munai himiia zaýyty» JShS-ǵa, Jastar bastamalaryn damytý ortalyǵyna jáne Nazarbaev Ziiatkerlik mektebine baratyny kózdelgen.
Aita keteiik, Memleket basshysy Qasym-Jomart Toqaev keshe jumys saparymen Shyǵys Qazaqstan oblysynda boldy. Prezident aldymen Semei qalasyna barǵan edi.
