QR Prezidenti Qasym-Jomart Toqaev Omannyń jańadan taǵaiyndalǵan Sultany Haisam ben Tariq Ál Saidti Qazaqstan halqynyń jáne Óziniń atynan quttyqtap, jedelhat joldady, – dep habarlaidy Aqordanyń baspasóz qyzmeti.
Memleket basshysy Oman Sultandyǵynyń ekonomikasy qarqyndy damyp, halqynyń ál-aýqaty artyp otyrǵan memleket ekenin aita kele, Haisam ben Tariq Ál Saidtiń basshylyǵymen Omannyń odan ári órkendep, mereii óse beretinine senim bildirdi.
«Eki el arasyndaǵy dostyq pen ózara qoldaýǵa negizdelgen yntymaqtastyqty keleshekte de halyqtarymyzdyń igiligi úshin ári qarai óristetý maqsatynda Sizben birlese kúsh-jiger jumsaýǵa daiyn ekenimdi qýattaimyn. Sizdiń asa jaýapty qyzmetińiz ben barlyq igi bastamalaryńyzǵa mol tabys, al dostas Oman halqyna yrys pen qut-bereke tileimin» delingen jedelhatta.
Eske sala ketsek, 11 qańtarda Omannyń memlekettik BAQ-tary Haisam ben Tariq Ál Saidtiń eldiń jańa basshysy atanǵanyn jariialady. Al Omannyń memlekettik agenttigi Sultan Kabýs ben Said Ál Said 79 jasynda qaitys bolǵan edi. QR Prezidenti osyǵan bailanysty kóńil aitý jedelhatyn joldaǵan bolatyn.
