قر پرەزيدەنتٸ قاسىم-جومارت توقاەۆ وماننىڭ جاڭادان تاعايىندالعان سۇلتانى حايسام بەن تاريق ەل سايدتٸ قازاقستان حالقىنىڭ جەنە ٶزٸنٸڭ اتىنان قۇتتىقتاپ, جەدەلحات جولدادى, – دەپ حابارلايدى اقوردانىڭ باسپاسٶز قىزمەتٸ.
مەملەكەت باسشىسى ومان سۇلتاندىعىنىڭ ەكونوميكاسى قارقىندى دامىپ, حالقىنىڭ ەل-اۋقاتى ارتىپ وتىرعان مەملەكەت ەكەنٸن ايتا كەلە, حايسام بەن تاريق ەل سايدتٸڭ باسشىلىعىمەن وماننىڭ ودان ەرٸ ٶركەندەپ, مەرەيٸ ٶسە بەرەتٸنٸنە سەنٸم بٸلدٸردٸ.
«ەكٸ ەل اراسىنداعى دوستىق پەن ٶزارا قولداۋعا نەگٸزدەلگەن ىنتىماقتاستىقتى كەلەشەكتە دە حالىقتارىمىزدىڭ يگٸلٸگٸ ٷشٸن ەرٸ قاراي ٶرٸستەتۋ ماقساتىندا سٸزبەن بٸرلەسە كٷش-جٸگەر جۇمساۋعا دايىن ەكەنٸمدٸ قۋاتتايمىن. سٸزدٸڭ اسا جاۋاپتى قىزمەتٸڭٸز بەن بارلىق يگٸ باستامالارىڭىزعا مول تابىس, ال دوستاس ومان حالقىنا ىرىس پەن قۇت-بەرەكە تٸلەيمٸن» دەلٸنگەن جەدەلحاتتا.
ەسكە سالا كەتسەك, 11 قاڭتاردا وماننىڭ مەملەكەتتٸك باق-تارى حايسام بەن تاريق ەل سايدتٸڭ ەلدٸڭ جاڭا باسشىسى اتانعانىن جارييالادى. ال وماننىڭ مەملەكەتتٸك اگەنتتٸگٸ سۇلتان كابۋس بەن سايد ەل سايد 79 جاسىندا قايتىس بولعان ەدٸ. قر پرەزيدەنتٸ وسىعان بايلانىستى كٶڭٸل ايتۋ جەدەلحاتىن جولداعان بولاتىن.
