Qazaqstan Prezidenti Qasym-Jomart Toqaev "shengen" siiaqty TMD elderinde biryńǵai viza engizý máselesin qarastyrýdy usyndy. Memleket basshysy bul týraly Ashhabadta TMD memleket basshylary keńesiniń otyrysynda málimdedi, dep habarlaidy Sputnik agenttigi.
"Ókinishke qarai, ulttyq viza jáne kóshi-qon rejimderinde aitarlyqtai aiyrmashylyq bar. Olar TMD-daǵy birneshe elge birden barǵysy keletin sheteldik týrister úshin qolaisyzdyq týǵyzýda. Men bul óte qiyn ekenin túsinemin, degenmen TMD aýmaǵynda shengen kelisimi tárizdi "dostastyq vizasy" degen shartty ataýmen biryńǵai rejim engizý máselesin qaraýdy oilaný kerek shyǵar", - dep usyndy Toqaev.
Onyń aitýynsha, mundai viza dostastyq elderindegi týrizmniń damýyna yqpal etedi.
Toqaev árbir elde álemniń túkpir-túkpirinen týristerdi tarta alatyn óziniń erekshe tabiǵi jáne tarihi nysandary bar ekenin atap ótti.
"Aziialyq shengen"
Aita keteiik, 2018 jyldyń maýsymynda Dariǵa Nazarbaeva Ortalyq Aziia elderi úshin "aziialyq shengen" qurý ideiasyn aitqan bolatyn. Joba 2019 jyldyń basynda júzege asyrylýy múmkin dep boljaldy.
Biraq, Qazaqstannyń Syrtqy ister ministrliginiń málimetinshe, "aziialyq shengen" qurý jáne engizý máselesi kóp ýaqytty qajet etedi.
