QR Prezidenti Qasym-Jomart Toqaev Ońtústik Koreianyń iri kompaniialary basshylarymen kezdesýler ótkizdi, dep habarlaidy "Ult aqparat" Aqordaǵa silteme jasap.
Memleket basshysy Ońtústik Koreianyń isker top ókilderimen ótken dóńgelek ústelden keiin osy eldiń iri kompaniialarynyń basshylary – «Samsung Electronics» kompaniiasynyń prezidenti In Iong Li jáne «Doosan Heavy Industries & Construction» prezidenti Iong Ing Chongpen ekijaqty kezdesýler ótkizdi.
Qazaqstan Prezidenti In Iong Limen kezdesýde «Samsung Electronics» kompaniiasynyń tsifrlyq innovatsiialar salasynda álemdegi jetekshi orynda ekenin atap ótip, tsifrlandyrý, innovatsiia men ǵylym arqyly tehnologiialyq damý týraly máselelerge toqtaldy.
Qasym-Jomart Toqaev yntymaqtastyqtyń perspektivaly baǵyttary «aqyldy qalalar» júiesin engizý ekenin aityp, Qazaqstan kólik qatynastaryn basqarý, jol-kólik oqiǵalarynyń aldyn alý, derekterdi qashyqtan jiberý tehnologiialaryn engizýge múddeli dedi.
Osy maqsatta jýyq arada 3-4 gigavatt elektr energiiasyna jańartylatyn energiia kózderiniń jobalaryn júzege asyrýdy josparlap otyrmyz. Sondyqtan sizderdiń usynystaryńyz biz úshin óte paidaly bolady, – dedi Qazaqstan Prezidenti.
Qasym-Jomart Toqaev kompaniianyń energetikalyq jobalardaǵy kóp jyldyq tájiribesi men biliktiligin eskere otyryp, olardy qazaqstandyq jylý-energiia ortalyqtaryn jańǵyrtý jáne «Qarabatan» keshenin keńeitý boiynsha yntymaqtastyqqa shaqyrdy.
Óz kezeginde, koreilik kompaniia ókili balamaly energiia kózderi boiynsha ortaq jobalarda jumys isteýge daiyn ekenin jetkizdi.
