Túrikmenstannyń Túrikmenbashy qalasynda ótken Konsýltativtik kezdesý aiasynda Ortalyq Aziia elderiniń basshylary Qasym-Jomart Toqaev, Sadyr Japarov, Emomali Rahmon, Gýrbangýly Berdimuhamedov jáne Shavkat Mirziioev ulttyq taýarlar kórmesin aralady. Bul týraly Aqorda habarlady.
Kórmede ekonomikanyń túrli salasyndaǵy ideialar, tehnologiialar, innovatsiialar, ónerkásiptik jáne óndiristik jabdyqtar men ónimder tanystyryldy. Is-sharanyń basty maqsaty – innovatsiialyq tehnologiia salasyndaǵy jetistikterdi kórsetýge jaǵdai jasaý, tájiribe almasý jáne Ortalyq Aziia elderiniń seriktesterimen tiimdi yntymaqtastyq ornatý.
Sondai-aq Qazaqstan, Qyrǵyzstan, Tájikstan, Túrikmenstan jáne Ózbekstan prezidentteri aimaq elderiniń ulttyq taǵamdary halyqaralyq festivaliniń qonaǵy boldy.
Shara sońynda memleketter basshylary bes elden kelgen óner sheberleriniń kontsertin tamashalady.
