QR Prezidenti Qasym-Jomart Toqaev Qazaqstan Respýblikasynyń Prezidentine tikelei baǵynatyn jáne esep beretin memlekettik organdardyń basshylary týraly Jarlyqqa qol qoidy, dep habarlaidy "Ult aqparat" Aqordaǵa silteme jasap.
«Qazaqstan Respýblikasynyń Prezidenti týraly» Qazaqstan Respýblikasy Konstitýtsiialyq zańynyń 17-1-babynyń 1-tarmaǵyna sáikes jańadan sailanǵan Qazaqstan Respýblikasynyń Prezidenti qyzmetine kirisken kezde Qazaqstan Respýblikasynyń Prezidentine tikelei baǵynatyn jáne esep beretin memlekettik organdardyń basshylary ókilettiginiń toqtatylýyna bailanysty QAÝLY ETEMIN:
1. Qazaqstan Respýblikasynyń Prezidentine tikelei baǵynatyn jáne esep beretin memlekettik organdardyń basshylary tiisti basshylar taǵaiyndalǵanǵa deiin óz mindetterin atqaratyn bolsyn.
2. Osy Jarlyq qol qoiylǵan kúninen bastap qoldanysqa engiziledi», delingen qujatta.
