BUU Bas Assambleiasynyń 74-shi sessiiasy aiasynda Memleket basshysy «Bloomberg» aqparat agenttiginiń negizin qalaýshy ári iesi Maikl Blýmbergpen kezdesti, dep habarlaidy "Ult aqparat" Aqordaǵa silteme jasap.
Kezdesý barysynda taraptar Qazaqstan men «Bloomberg» aqparat agenttigi arasyndaǵy yntymaqtastyqtyń keleshegin talqylap, álemdik ekonomikanyń kún tártibindegi ózekti máseleleri jóninde pikir almasty.
Qasym-Jomart Toqaev 25 qyrkúiekte Niý-Iorkte ótetin «Bloomberg» Jahandyq biznes-forýmynyń mańyzdylyǵyn atap ótti. Bul rette, Prezident aldaǵy is-shara jumysyna Qazaqstannyń atynan «Astana» halyqaralyq qarjy ortalyǵynyń basqarýshysy Qairat Kelimbetov qatysatynyn aitty.
Sondai-aq, Memleket basshysy Qasym-Jomart Toqaev Maikl Blýmbergke Qazaqstannyń saýda-ekonomikalyq jáne investitsiialyq múmkindikteri týraly aityp, amerikalyq biznesmendi «Astana» halyqaralyq qarjy ortalyǵymen belsendi yntymaqtastyq ornatýǵa shaqyrdy.
Maikl Blýmberg kezdesýge múmkindik týǵyzǵany úshin Qazaqstan Prezidentine alǵys bildirip, qazaqstandyq áriptesterimen ózara tiimdi yntymaqtastyqty ilgeriletýge daiyn ekenin jetkizdi.
Kezdesý sońynda Qasym-Jomart Toqaev Maikl Blýmbergti Qazaqstanǵa saparmen kelýge shaqyrdy.
